હાલ દર્દીની તબિયત સારી હોવાનું આરોગ્ય તંત્ર પાસેથી જાણવા મળ્યું છે. કોંગો ફીવરના નિદાન માટે બ્લડ સેમ્પલ પુના ખાતે મોકલી આપેલ છે. તેનો રિપોર્ટ ત્રણ દિવસમાં આવશે ત્યાર બાદ આગળની જરૂરી સારવાર કરવામાં આવશે.
હળવદમા મજુરને કોંગો ફિવર હોવાની આશંકા
આરોગ્ય તેમજ પશુપાલન વિભાગ દ્વારા સંયુક્ત રીતે શ્રી રામ ગૌશાળા તેમજ આજુબાજુના વિસ્તારમાં સઘન સર્વે કોંગો રોગ અટકાયતી કામગીરી કરવામાં આવી હતી. જેમાં જિલ્લા પશુપાલન અધિકારી ડૉ. ભોરણીયા અને જિલ્લા રોગચાળા નિયંત્રણ અધિકારી ડૉ.સી.એલ.વારેવડિયા રુબરુ મુલાકાત લઈ સમગ્ર કામગીરીનું નિરીક્ષણ કરવામાં આવ્યુ હતુ. જેમાં કોંગો ફીવર હોવાની શક્યતા ઓછી જણાયેલ છે, તેમ છતાં દર્દીને શંકાસ્પદ ગણી સેમ્પલ તેમજ અન્ય તમામ રોગ અટકાયતી કામગીરી કરવામાં આવેલી છે. સમગ્ર કામગીરીનું માર્ગદર્શન મુખ્ય જિલ્લા આરોગ્ય અધિકારી ડૉ.જે.એમ.કતીરા દ્વારા પૂરું પાડવામાં આવ્યુ હતુ.
