હળવદ પંથકમાં બે દિવસમાં એસટી બસના અકસ્માતોની બે ઘટના બની છે. પ્રથમ ઘટનામાં ફરિયાદી સુરેશભાઈ ઠાકરશીભાઈ કોળીએ પોલીસ ફરિયાદમાં જણાવ્યું છે કે, સરકીટ હાઉસ પાસે સુરેન્દ્રનગર-હળવદ વચ્ચેની એસ.ટી બસના ચાલકે મોટરસાયકલને ટક્કર મારી હતી. આ અકસ્માતમાં બાઈક ચાલક ધીરૂભાઈ કોળીનું મોત થયું છે, તેમજ મૃતકના પત્ની ભાવનાબેન અને 15 વર્ષીય દિકરા સહદેવને ઈજા પહોંચતા તેમને સારવાર આપવામાં આવી હતી.
હળવદ સરા ચોકડી પાસે બનેલા બીજા બનાવમાં મોરબી તરફ જતી એસ.ટી બસની બ્રેક ફેઈલ થઈ હતી. આ બસ ભુજથી અમદાવાદ જતી પટેલ ટ્રાવેલ્સની ખાનગી બસ સાથે અથડાઈ હતી. બે બસ વચ્ચે અકસ્માત થયો હોવા છતાં સદનસીબે કોઈને ઈજા પહોંચી નથી હતી. આ બનાવ પછી રાજ્ય સરકારના "સલામત સવારી,એસ ટી હમારી" ના દાવાઆે સામે સવાલો ઉભા થઈ રહ્યા છે.
