મોરબી જીલ્લામા જુગાર રમતા 8 જુગારી ઝડપાયા

મોરબી: શહેરમા બારેમાસ જુગારની મોસમ જોવા મળે છે. ત્યારે, હોળી-ધુળેટીના પર્વે બે સ્થળ પર દરોડા પાડવામાં આવ્યા હતા. આ કાર્યવાહીમાં જુગાર રમતા 8 પત્તાપ્રેમીઓને ઝડપી લઈને ધોરણસરની કાર્યવાહી હાથ ધરી હતી.

મોરબી જીલ્લાનાં SP ડો. કરનરાજ વાઘેલા અને DYSP બન્નો જોશીના માર્ગદર્શન હેઠળ A ડીવીઝન સહિતની ટીમે હોળી-ધૂળેટી પર્વ નિમિતે પેટ્રોલિંગ દરમિયાન શનાળા બાયપાસ આનંદનગરમાં જાહેરમાં જુગાર રમતા 3 જુગારી ઝડપી લઈને 11,280ની રોકડ રકમ જપ્ત કરી હતી.

તે ઉપરાંત મોરબીના મહેન્દ્રનગર ગામે જાહેરમાં જુગાર રમાતા હોવાની બાતમીને આધારે જુગાર રમતા બીજા 5 જુગારીને ઝડપી લઈને 23,200ની રોકડ રકમ જપ્ત કરી છે.