જિલ્લા કલેકટર માકડીયાએ ઉપસ્થિત અધિકારીઓને રાષ્ટ્રીય પર્વની ગરિમાપુર્ણ અને ઉત્સાહપુર્વક ઉજવણી થાય તે માટે લોકોને પણ આ ઉત્સવમાં સામેલ કરવા તથા સ્વચ્છતા અભિયાનનો અમલ કરવા સુચનાઓ આપી હતી. આ ઉજવણી કાર્યક્રમમાં વધુને વધુ લોકો જોડાય તેમજ ઉજવણી સ્થાને પૂરતી પીવાના પાણીની વ્યવસ્થા, બેઠક વ્યવસ્થા, ટ્રાફિક-સલામતી, આરોગ્ય તેમજ વિજ પુરવઠો જળવાઇ રહે તે માટેના સૂચારૂ આયોજન અંગેની તમામ બાબતોનું ધ્યાન રાખવા કલેકટરે સૂચના આપી હતી. બેઠક બાદ જિલ્લા કલેકટર અને સબંધિત વિભાગના અધિકારીઓએ સ્વાતંત્ર્યપર્વની ઉજવણી સ્થળ સોમનાથ કિક્રેટ ગ્રાઉન્ડ, ધ્રાગંધા-માળીયા હાઇવે પર સ્થળ નિરક્ષણ કર્યું હતું.
આ બેઠકમાં જિલ્લા વિકાસ અધિકાર એસ.એમ.ખટાણા, નિવાસી અધિક કલેકટર કેતન જોષી, હળવદ પ્રાંત અધિકારી એચ.જી.પટેલ, નાયબ જિલ્લા પોલીસ અધિક્ષક બન્નો જોષી સહિતના અધિકારીઓ ઉપસ્થિત રહ્યાં હતા.
