મળતી માહિતી પ્રમાણે, વાંકાનેર પંથકની રહેતી સગીરા સાથે આરોપી વિપુલ ઉર્ફે (લાલો ચકાભાઇ વાટુકીયા)એ લલચાવીને બે વખત દુષ્કર્મ આચર્યુ હતું. તેમજ આરોપી હાર્દિક ધનસેરા અને તેના મિત્ર વિપુલે સગીરાને તેના પ્રેમસંબંધ વિશે જાણ કરી દેવાની ધમકી આપી, આરોપી તુષાર ધોરીયા સાથે મળી સગીરાને ચોટીલા લઇ ગયા હતા. ત્યાં જઇને સગીરાનો વીડિયો બનાવી તેને ફેલાવવાની ધમકી આપીને ફરીથી દુષ્કર્મ આચર્યુ હતું.
આરોપીઓએ સગીરાનું માનસિક શોષણ કરીને વારંવાર દુષ્કર્મ આચર્યુ હતું. સગીરાની માતાને ઘટનાની જાણ થતાં તેમણે તાત્કાલિક પોલીસ ફરિયાદ નોંધાવી હતી. ત્યારે પોલીસે આરોપીઓ વિરૂદ્ધ ગુનો નોંધી આગળની કાર્યવાહી હાથ ધરી છે.
