પ્રાપ્ત થતી વિગતો અનુસાર વાંકાનેર ઢુંવા ચોકડી નજીક બંધ પડેલી સૂર્યા સીરામીક કારખાનાની ઓરડીમાંથી મીળ મધ્યપ્રદેશના વતની લક્ષ્ણીબેન બલાઈ(ઉ.વ.25)નો 7 તારીખે શંકાસ્પદ હાલતમાં મૃતદેહ મળ્યો હતો. જેથી પોલીસે મૃતદેહને પી.એમ અર્થે ખસેડ્યો હતો. જેમાં પરણિતાંનું ગળું દબાવી હત્યા કરાઈ હોવાનું પ્રાથમિક તારણ જણાયુ હતુ.
આ ઘટનામાં પોલીસે ફરિયાદ દાખલ કરી કાર્યવાહી હાથ ધરી હતી. દરમિયાન પોલીસને પતિ પર શંકા જતા તે દિશામાં તપાસ આગળ વધારી હતી. જેમાં પતિ પીરૂવાલ ઉર્ફે રાહુલ ગબ્બાલાલ બલાઈના પત્નીને શેઠે 2000 રૂપિયા આપ્યા હતા. જેથી પત્ની પર શંકા રાખી શેઠની હાજરીમાં પતિએ પત્નિ સાથે ઝઘડો કર્યો હતો.
આ બનાવના બીજા દિવસે પતિએ પત્નીને હત્યા કરી નાખી હતી અને પત્નીને કંઈ થઈ ગયુ હોવાથી બેભાન થઈ ગયાની જાણ શેઠને કરી હતી. અંતે પોલીસને પતિ પર શંકા જતા તપાસ કરતા પતિ જ હત્યારો હોવાનું સામે આવતા પોલીસે આગળની કાર્યવાહી હાથ ધરી છે.
