પ્રતિષ્ઠાની પેટા ચૂંટણી 2020ઃ મોરબી વિધાનસભા બેઠકનો ઈતિહાસ

રાજ્ય સભા ચૂંટણી સમયે બ્રિજેશ મેરજાએ કોંગ્રેસમાંથી રાજીનામું આપ્યું હતું. જેથી ખાલી પડેલી આ બેઠક પર 3 નવેમ્બરના રોજ પેટા ચૂંટણી યોજાવાની છે. આ ચૂંટણી માટે ભાજપે બ્રિજેશ મેરજાને ટિકિટ આપી છે, જ્યારે કોંગ્રેસે જયંતિ જયરાજને ટિકિટ આપી છે. આ બેઠકમાં કોંગ્રેસ અને ભાજપ વચ્ચે સીધી ટક્કર જોવા મળે છે. મોરબી બેઠકમાં 2002થી લઇને 2012 સુધી ભાજપની સત્તા હતી, જ્યારે 2017માં કોંગ્રેસ તરફથી બ્રિજેશ મેરજાએ ચૂંટણી લડી હતી અને ભાજપના ઉમેદવાર કાંતિલાલ અમૃતિયાને હરાવ્યા હતા. ત્યારબાદ 2020માં રાજ્યસભાની ચૂંટણી સમયે કોંગ્રેસના ધારાસભ્ય બ્રિજેશ મેરજાએ રાજીનામું આપ્યું હતું.

• રાજ્યમાં 8 બેઠક પર પેટા ચૂંટણી
• વર્ષ 2002થી 2012 સુધી ભાજપની સત્તા
• વર્ષ 2017માં કોંગ્રેસે છીનવી બેઠક

મોરબીઃ રાજ્ય સભા ચૂંટણી સમયે બ્રિજેશ મેરજાએ કોંગ્રેસમાંથી રાજીનામું આપ્યું હતું. જેથી ખાલી પડેલી આ બેઠક પર 3 નવેમ્બરના રોજ પેટા ચૂંટણી યોજાવાની છે. આ ચૂંટણી માટે ભાજપે બ્રિજેશ મેરજાને ટિકિટ આપી છે, જ્યારે કોંગ્રેસે જયંતિ પટેલને ટિકિટ આપી છે. આ બેઠકમાં કોંગ્રેસ અને ભાજપ વચ્ચે સીધી ટક્કર જોવા મળે છે. મોરબી બેઠકમાં 2002થી લઇને 2012 સુધી ભાજપની સત્તા હતી, જ્યારે 2017માં કોંગ્રેસ તરફથી બ્રિજેશ મેરજાએ ચૂંટણી લડી હતી અને ભાજપના ઉમેદવાર કાંતિલાલ અમૃતિયાને હરાવ્યા હતા. ત્યારબાગ 2020માં રાજ્યસભાની ચૂંટણી સમયે કોંગ્રેસના ધારાસભ્ય બ્રિજેશ મેરજાએ રાજીનામું આપ્યું હતું.

સ્થાનિક સ્વરાજ્યની ચૂંટણીમાં કોંગ્રેસની બહુમતી

ઉલ્લેખનીય છે કે, સ્થાનિક સ્વરાજ્યની ચૂંટણીમાં મોરબી જિલ્લા પંચાયત, તાલુકા પંચાયત અને નગરપાલિકામાં કોંગ્રેસની બહુમતી છે. આ ઉપરાંત આ બેઠકમાં 1,41,583 પુરુષ મતદારો અને 1,29,322 મહિલા મતદારો અને અન્ય 1 સહિત કુલ 2,70,906 મતદારો છે. જેમાં 1,547 દિવ્યાંગ મતદારો છે, જયારે 5,113 મતદારો 80 વર્ષથી વધુ ઉંમરના છે.

વિધાનસભાની અગાઉની ચૂંટણીના પરિણામો

વર્ષ	ભાજપ ઉમેદવાર	વોટ	કોંગ્રેસ ઉમેદવાર	વોટ	પરિણામ
2002	કાંતિલાલ અમૃતિયા	53447	જયંતિ પટેલ	51853	ભાજપ વિજેતા
2007	કાંતિલાલ અમૃતિયા	75313	જયંતિ પટેલ	52792	ભાજપ વિજેતા
2012	કાંતિલાલ અમૃતિયા	77386	બ્રિજેશ મેરજા	74626	ભાજપ વિજેતા
2017	કાંતિલાલ અમૃતિયા	85977	બ્રિજેશ મેરજા	89396	કોંગ્રેસ વિજેતા

મોરબી વિધાનસભા બેઠકમાં ભાજપ-કોંગ્રેસ વચ્ચે સીધી ટક્કર જોવા મળે છે. આ બેઠકમાં અપક્ષ કે ત્રીજી કોઈ પાર્ટીની અસર જોવા મળતી નથી.

સ્થાનિક સ્વરાજ્યની સંસ્થાઓની માહિતી

• મોરબી જિલ્લા પંચાયત કુલ 24 બેઠક છે. જેમાં 22 કોંગ્રેસ પાસે છે અને 2 ભાજપ પાસે છે.
  
• મોરબી તાલુકા પંચાયત કુલ 26 બેઠક છે. જેમાં 21 કોંગ્રેસ પાસે અને 5 ભાજપ પાસે છે.
  
• માળિયા તાલુકા પંચાયત કુલ 19 બેઠક છે. જેમાં 11 કોંગ્રેસ પાસે અને 6 ભાજપના હાથમાં છે.
  
• મોરબી નગરપાલિકા 32 બેઠક કોંગ્રેસ પાસે છે અને 20 બેઠક ભાજપ પાસે છે.
  
• માળિયા નગરપાલિકામાં કુલ 24 બેઠક છે. જેમાં 15 બેઠક કોંગ્રેસના હાથમાં છે, જ્યારે 9 બેઠક પર ભગવો લહેરાય છે.

જ્ઞાતિ પ્રમાણે મતદારોની સ્થિતિ

ક્રમ	જ્ઞાતિ	મતદારોની સંખ્યા	ટકાવારી
1	પાટીદાર	51,000	19.92
2	મુસ્લિમ	34,000	15.28
3	સતવારા	28,000	12.93
4	અનુ. જાતી	18,000	08.03
5	લોહાણા	12,000	05.68
6	આહિર	12,000	05.68
7	કોળી	14,000	06.46
8	ક્ષત્રિય	11,000	04.29
9	બ્રાહ્મણ	13,000	05.07
10	વાણીયા	8,000	03.12

વિધાનસભા વિસ્તારના મતદારોની યાદી

7 ફેબ્રુઆરી 2020ના રોજ પ્રસિદ્ધ થયેલી મતદાર યાદી મુજબ મોરબી વિધાનસભા બેઠકમાં 1,41,583 પુરુષ મતદારો અને 1,29,322 મહિલા મતદારો અને અન્ય 1 સહિત કુલ 2,70,906 મતદારો છે. જેમાં 1,547 દિવ્યાંગ મતદારો છે, જયારે 5,113 મતદારો 80 વર્ષથી વધુ ઉંમરના છે.