મોરબી: સ્વામી વિવેકાનંદ રાજ્ય યુવક બોર્ડ દ્વારા દેશના યશસ્વી વડાપ્રધાન નરેન્દ્ર મોદીના જન્મદિવસ નિમિતે હળવદ શહેરના અતિ પૌરાણિક અને સ્વયંભુ ગૌલોકેશ્વર મહાદેવ મંદિર ખાતે ભારત માતા અને યુગ પુરુષ અને લાખો યુવાનોના આદર્શ એવા સ્વામી વિવેકાનંદની મૂર્તિનું અનાવરણ અને સ્થાપના કરવામાં આવ્યું હતું.
હળવદ તાલુકામાં સર્વ પ્રથમ મા ભારતી અને સ્વામી વિવેકાનંદની મૂર્તિની સ્થાપના કરવામાં આવી હતી. ત્યારે આ કાર્યક્રમમાં રાષ્ટ્રભકત સ્થાનિકો હર્ષો ઉલ્લાસ સાથે ભક્તિભાવ પૂર્વક જોડાયા હતા. કર્મકાંડી ભુદેવ દ્વારા શાસ્ત્રોક્ત વિધીથી પૂજા અર્ચના કરાવવામાં આવી હતી અને પૂજ્ય સાધુ સંતો અને રાજકીય સામાજિક આગેવાનોએ ફૂલ હાર થકી મા ભારતી અને સ્વામી વિવેકાનંદની વંદના કરી હતી.
