મોરબીઃ જિલ્લાના કબીર ટેકરીમાં આવેલા વિસ્તારમાં 200થી વધુ પરપ્રાંતીય મજૂરો ભાડેની ઓરડીઓમાં રહે છે. આ મુજરોને પ્રથમ લોકડાઉનની શરૂઆતમાં મોરબીના યંગ ઇન્ડિયા ગૃપ દ્વારા રાશનકીટનુ વિતરણ કરાયુ હતું. તેમજ આ મજૂરોની ઓરડીઓના માલીક યોગશ અગેચણિયા દ્વારા પણ ભાડા માફી અને અન્ય જરૂરી સહાયતા કરાઈ હતી.
પરંતુ લોકડાઉન લંબાતા આ વિસ્તારના મજૂરોને ફરીથી રાશનની તકલીફ સર્જાઈ હોવાનું ઓરડીના માલિક દ્વારા યંગ ઇન્ડિયા ગ્રૂપને બુધવારે રાત્રીના જાણ કરાઈ હતી. જેથી ગુરૂવારે સવારે યંગ ઇન્ડિયા ગ્રુપ દ્વારા આ મજૂરોને ચાર દિવસની રાશન કીટ પોહચડવાની વ્યવસ્થા કરાઈ હતી. અને ત્યારબાદ જરૂર જણાયે આ મજૂરો માટે જમવાની વ્યવસ્થા કરવાની ખાત્રી આપવામાં આવી હતી. જોકે આ દરમિયાન આ વિસ્તારના મજૂરોએ સરકાર પાસે મદદ અને તેમના વતન પંહોચાડવાની માંગણી કરતો વિડિઓ વાયરલ કર્યો હતો. જેથી આ મજૂરોનો મદદ માટેનો વીડિયો મેસેજથી સ્થાનિક તંત્ર પણ આ શ્રમિકો પાસે પહોંચ્યું હતું.
