કડીમાં નિવૃત આર્મીમેનની ગાડીના કાચ તોડી તસ્કરોએ બેગની ચોરી કરી

મહેસાણાના કડીમાં સોમવારના રોજ ગઠિયાએ નિવૃત આર્મીમેનની ગાડીના કાચ તોડી તેની બેગ ઉઠાવી ગયા હતા. બેગમાં આર્મીમેનનું આઈ-કાર્ડ, ATM કાર્ડ અને પિસ્તોલ સહિતની વસ્તુઓ હતી. આ ઘટનાના લઈ વિસ્તારમા ચકચાર મચી હતી.

• કડીમાં ગાડીના કાચ તોડી બેગની ઉઠાંતરી કરી
• નિવૃત આર્મીમેનનુ દસ્તાવેજ અને રોકડ રૂપિયા ભરેલું પર્સ ચોરાયું
• પોલીસે કાર્યવાહી હાથ ધરી

મહેસાણાઃ જિલ્લાના કડીમાં સોમવારે એક ગઠિયાએ નિવૃત આર્મીમેનની ગાડીના કાચ ચોડી બેગની ઉઠાંતરી કરી હતી. આ બનાવની વિગત જોઈએ તો નિવૃત આર્મીમેન ભીમનાથ મહાદેવની બાજુમાં આવેલા એમ.માર્ટની સામે તેની ગાડી પાર્ક કરી માર્ટની બાજુમાં આવેલી દુકાને સબંધીને મળવા ગયા હતા.

કડીમાં નિવૃત આર્મીમેનની ગાડીના કાચ તોડી તસ્કરોએ બેગની ચોરી કરી

આ પણ વાંચોઃ હળવદમાં દુકાનમાંથી પૈસા ભરેલી બેગની ચોરી થતા ચકચાર

પોલીસે CCTV ફોટેઝના આધારે ગઠિયાને ઝડપી પાડવા ચક્રો ગતિમાન કર્યા

સબંધીને મળીને ગાડીમાં બેસવા જતા હતા ત્યારે અચાનક દુકાનમાં આગ લાગવાની મામુલી ઘટના બનતા તેઓ ફરી દુકાન તરફ ગયા હતા. ત્યારબાદ ફરી તે ગાડી તરફ આવી ગાડીમાં જોતા તેમની બેગ ગાડીમાં હતી નહીં. બેગમાં રોકડ સહિત ડોક્યુમેન્ટ તેમજ તેમની પિસ્તોલ હોવાથી તેમણે તાત્કાલિક કડી પોલીસને જાણ કરી હતી. જેથી પોલીસે ઘટનાની ગંભીરતા સમજી ઘટના સ્થળે દોડી આવી હતી અને CCTV ફોટેઝના આધારે ગઠિયાને ઝડપી પાડવા ચક્રો ગતિમાન કર્યા હતા. પોલિસે આસપાસના CCTV કેમેરા ચકાસી તસ્કરોને શોધવા પ્રયાસો કર્યા હતા. જોકે, પોલિસે રાત સુધી બનાવની ફરીયાદ નોંધી નથી.

પોલીસે કાર્યવાહી હાથ ધરી