મહેસાણા ભાજપના ઉમેદવાર શારદાબેન પટેલે વિસનગમાં કાર્યકર્તાઓ સાથે યોજી બેઠક

મહેસાણા: લોકસભા સીટ પર ભાજપના ઉમેદવાર શારદાબેન પટેલ જાહેર થતા જ તેઓએ લડોલ હરસિદ્ધ માતાજીના દર્શન કરી ચૂંટણી પ્રચારનો પ્રારંભ કર્યો છે. સાથે જ તેઓ ચૂંટણી પ્રચારની સાથે સાથે ભાજપના કાર્યકરોને મળવા વિસનગર વિધાનસભા મત વિસ્તારમાં પહોંચ્યા હતા.

વિસનગર શારદાબેન પટેલનું પિયર થતું હોઈ સ્થાનિકો અને કાર્યકરોએ તેમનું સ્વાગત કરી ભાજપમાંથી ટિકિટ મળવા બદલ અભિનંદન પાઠવ્યા હતા. આ ઉપરાંતજયશ્રીબેન પટેલને પણ સ્થાનિક ધારાસભ્ય અને કાર્યકરોએ તેમના 10 વર્ષના કાર્યકાળ દરમિયાન પ્રજાહિતના કાર્યો કરવા બદલ આભાર વ્યક્ત કર્યો હતો ત્યારે આ પ્રસંગમાં ટિકિટ કપાતા જયશ્રીબેન પટેલના ચહેરા પર નિરાશાજોવા મળી રહી હતીત્યારે આ સંજોગોમાં જયશ્રીબેન પટેલે નરેન્દ્ર મોદીને જીતાડવા મહેસાણાથી ઉમેદવારને ગત ચૂંટણીની લીડ સાથે જીતાડવા કાર્યકરોને આહવાન કર્યું છે.