મહેસાણાનું થોળ પક્ષી અભ્યારણ બર્ડ ફ્લૂની દહેશત વચ્ચે અચોક્કસ મુદ્દત માટે બંધ

મહેસાણા જિલ્લાના કડી તાલુકાના છેવાડે આવેલા થોળ પક્ષી અભ્યારણમાં હાલમાં વિદેશી પક્ષીઓ આવ્યાં છે. જેને લઇને અહીં પ્રાકૃતિક વાતાવરણ પણ ઘણું રમણીય હોય છે અને પર્યટકો સાથે પક્ષીવિદો અહીં મોટી સંખ્યામાં આવતા હોય છે. જો કે, કોરોના મહામારી સમયે પ્રવાસીઓ સંક્રમિત ન થાય માટે તકેદારીના ભાગ રૂપે બંધ રાખવામાં આવ્યું હતું. ત્યાર બાદ આજે સોમવારે 88 દિવસે ફરી એક વાર આ પક્ષી અભ્યારણ પક્ષીઓમાં આવતા બર્ડ ફ્લૂની દેશત વચ્ચે અચોક્કસ મુદત માટે બંધ કરી દેવામાં આવ્યું છે.

• મહેસાણાનું થોળ પક્ષી અભ્યારણ બર્ડ ફ્લૂની દેશત વચ્ચે બંધ
• અહીં વિદેશી પક્ષી આવતા હોવાથી સાવચેતીને લઈ બંધ કરવામાં આવ્યું
• પક્ષીપ્રેમીઓ અને પર્યટકોમાં નારાજગી પ્રવર્તી
• બર્ડ ફ્લૂની દેશતથી મુક્તિ બાદ અભ્યારણ શરૂ થઈ શકે છે

મહેસાણાઃ જિલ્લાના કડી તાલુકાના છેવાડે આવેલા થોળ પક્ષી અભ્યારણમાં હાલમાં વિદેશી પક્ષીઓ આવ્યાં છે. જેને લઇને અહીં પ્રાકૃતિક વાતાવરણ પણ ઘણું રમણીય હોય છે અને પર્યટકો સાથે પક્ષીવિદો અહીં મોટી સંખ્યામાં આવતા હોય છે. જો કે, કોરોના મહામારી સમયે પ્રવાસીઓ સંક્રમિત ન થાય માટે તકેદારીના ભાગ રૂપે બંધ રાખવામાં આવ્યું હતું. ત્યાર બાદ આજે સોમવારે 88 દિવસે ફરી એક વાર આ પક્ષી અભ્યારણ પક્ષીઓમાં આવતા બર્ડ ફ્લૂની દેશત વચ્ચે અચોક્કસ મુદત માટે બંધ કરી દેવામાં આવ્યું છે.

થોળ અભ્યારણ બંધ

વિદેશી પક્ષીઓના સેમ્પલ લેવામાં આવ્યા

હાલમાં જે પ્રકારે ગુજરાતના પડોશી રાજ્યો બાદ કેટલાક જિલ્લામાં બર્ડ ફ્લૂના કેસ જોવ મળ્યા છે, ત્યારે થોળ પક્ષી અભ્યારણમાં વિદેશથી પક્ષીઓ આવતા હોવાથી અહીં બર્ડ ફ્લૂની દેશતના જોખમની શકયતા પ્રબળ બનતી હોય છે. જેથી અભ્યારણ ખાતે આવેલા વિદેશી પક્ષીઓના સેમ્પલ લેવામાં આવ્યા છે. આ સાથે જ અહીં આજે મંગળવારથી તંત્રની કામગીરી ઉપરાંત કોઈ પણ વ્યક્તિના પ્રવેશ પર પ્રતિબંધ લગાવવામાં આવ્યો છે. આ નિર્ણય પક્ષીઓની સાથે સાથે પર્યટકોની તકેદારી રાખવા માટે લેવામાં આવ્યો છે

પર્યટકો અને પક્ષીપ્રેમીઓ નારાજ!

કોરોના મહામારી સમયથી બંધ પક્ષી અભ્યારણ માંડ 2.5 મહિના પહેલા ખુલ્યું હતું ત્યાં, આજે મંગળવારે ફરી એકવાર બંધ કરી દેવામાં આવતા પક્ષીવિદો અને પર્યટકો સાથે પક્ષીપ્રેમીઓ નારાજગી વ્યક્ત કરી રહ્યા છે.