મહેસાણામાં મહિલા ટ્રાફિક PSI પર કાર ચડાવનાર કારચાલક ઝડપાયો

અમર અકબર એન્થની ફિલ્મમાં અમિતાભ બચ્ચન એક ડાયલોગ બોલે છે કે 'ઐસા તો આદમી લાઈફ મેં દોઈચ ટાઈમ ભાગતા હૈ, ઓલિમ્પિક કા રેસ હો યા કોઈ પોલીસ કેસ હો'. આવો જ એક કિસ્સો બન્યો છે મહેસાણામાં. અહીં મહિલા ટ્રાફિક પીએસઆઈએ એક કારચાલકને રોકતા કારચાલકે ઊભા રહેવાની જગ્યાએ કાર પીએસઆઈ પર ચડાવી દીધી હતી અને ત્યાંથી ફરાર થઈ ગયો હતો. જોકે, પોલીસે સીસીટીવી કેમેરાના આધારે કારચાલકની ઓળખ કરી તેને ઝડપી પાડ્યો છે.

• મહેસાણામાં ટ્રાફિક પીએસઆઈ પર કાર ચડાવનારો કારચાલક ઝડપાયો
• PSI પર કાર ચડાવવાનો પ્રયાસ કરનાર ચાલક સામે કાર્યવાહી કરાઈ
• મહેસાણા જિલ્લાના ગોપી નાળા પાસે બની હતી ઘટના
• કારના કાચમાં ગેરકાયદેસર કાળી ફિલ્મ પણ લગાવવામાં આવી હતી
  

  મહેસાણામાં મહિલા ટ્રાફિક PSI પર કાર ચડાવનાર કારચાલક ઝડપાયો

મહેસાણાઃ ગોપીનાળા વિસ્તારમાં ટ્રાફિક નિયમન માટે ટ્રાફિક પોલીસનો પોઈન્ટ મૂકવામાં આવ્યો છે. તાજેતરમાં જ ટ્રાફિક મહિલા પીએસઆઈ પર કારચાલકે કાર ચડાવી દીધી હતી અને ત્યારબાદ કારચાલક ફરાર થઈ ગયો હતો. પોલીસે આ આરોપીને સીસીટીવી કેમેરાના આધારે પકડી પાડ્યો છે. મહિલા પીએસઆઈએ કારને રોકતા જાણે કારમાં કોઈ ગુનેગાર હોય તે રીતે કારચાલકે કારને હંકારી હતી. જોકે, સમય સૂચકતાથી પીએસઆઈ ખસી ગયા હતા.

મહેસાણામાં મહિલા ટ્રાફિક PSI પર કાર ચડાવનાર કારચાલક ઝડપાયો

સીસીટીવી ફૂટેજ જોતા કારચાલક સામે ગુનાહિત કૃત્ય આચર્યું હોવાની આશંકા પ્રબળ

મહેસાણામાં જ્યારે મહિલા ટ્રાફિક પીએસઆઈએ કારચાલકને રોકતા કારચાલક ત્યાંથી ભાગી ગયો હતો. જાણે કારમાં કોઈ ગુનેગાર બેઠો હોય તે રીતે કારચાલકે કાર ભગાવી હતી. પોલીસે ઘટનાસ્થળના સીસીટીવી ચકાસ્યા તો કારચલાકે નિયમોનું ઉલ્લંઘન કર્યું હોવાનું સામે આવ્યું હતું. આ સાથે કારના કાચમાં ગેરકાયદેસર રીતે કાળી ફિલ્મ પણ લગાવેલી હતી. આ કારચાલક સામે ઊંડાણપૂર્વક તપાસ થાય તો આટલી ગંભીર બેદરકારીથી મહિલા PSI પર કાર ચડાવવાનો પ્રયત્ન કરનાર કાર ચાલકની અન્ય ગુનાહિત કિસ્સો સામે આવે તો નવાઈ નહીં