દૂધસાગર ડેરી છેલ્લા કેટલાય સમયથી ભ્રષ્ટાચાર અને રાજકારણનો શિકાર બની રહી છે. ત્યારે દૂધ ઉત્પાદકોના હિતની વાત અને વિકાસ અહિં રૂંધાયો છે. જો કે દૂધસાગર ડેરી દ્વારા 24 માર્ચે ખાસ સાધારણ સભાનું આયોજન કરવામાં આવ્યું હતું. જેમાં ડેરીને મલ્ટી સ્ટેટ કૉ.ઑપ.સોસાયટી એકેટ 2002ની જોગવાઈ મુજબ પેટાકાયદા બદલાવ દૂધ સંઘના લ્હેણાની વસુલાત બાબત, સહિત 7 જેટલા મુદ્દા પર ચર્ચા માટે અજેન્ડા તૈયાર કરવામાં આવ્યો હતો.
જો કે 18 માર્ચે આચાર સંહિતા લાગુ થતા જિલ્લા ચૂંટણી અધિકારીએ નોટિસ પાઠવી સભા રદ કરવા અંગેનો આદેશ કર્યો હતો. જો કે ડેરી માટે દૂધ ઉત્પાદકોના હિત માટેનો મહત્વનો મુદ્દો હોવાથી તેમને હાઇકોર્ટમાં સ્પેશિયલ સિવિલ ઍપ્લિકેશન દાખલ કરી હતી. જેના પર હાઇકોર્ટ દ્વારા સુનાવણી કરી અંતે સહકારી સંસ્થા ક્ષેત્ર ચૂંટણી પંચની આચાર સંહિતામાં આવતું ન હોવાનો ચુકાદો આપ્યો હતો. દૂધ સાગર ડેરીને મલ્ટી સ્ટેટ વેપાર સહિતના મુદ્દા પર અજેન્ડા મંજૂર કરાવવા સાધારણ સભાના આયોજન માટેની મંજુરી આપી હતી. જેને પગલે આગામી 21 એપ્રિલ 2019 રવિવારે સવારે દૂધ સાગર ડેરી દ્વારા દૂધ સંઘના માનસિંહભાઈ હોલ સભા યોજાશે તેવી જાહેરાત કરવામાં આવી છે.
ભારતના વિકાસમાં જ્યારે સહકાર ક્ષેત્રનો મહત્વનો ફાળો છે. ત્યારે મહેસાણામાં પશુપાલકો માટે જીવ દોરી સમાન મહેસાણા દૂધ સાગર ડેરીમાં રમાઈ રહેલા રાજકારણ થી ના માત્ર સહકાર ક્ષેત્રે પરંતુ જિલ્લાના પશુપાલન પર પણ મોટી અસર વર્તાઈ રહી છે ત્યારે સૂત્રોનું માની એ તો ચૂંટણી ટાણે ભાજપ કોંગ્રેસની રાજનીતિનો શિકાર આ સહકારી સંસ્થા બની રહી છે અને ડેરી સહકારી સંસ્થા હોવા છતાં રાજકીય પક્ષ કોંગ્રેસને સમર્થન કરતા હવે પશુપાલકોના મતો માટે સહકારી સંસ્થા જાહેરમાં આગળ આવે તેવી એક ઐતિહાસિક રાજનીતિ સામે આવી છે.
