સાબરકાંઠા અને મહેસાણા વચ્ચે વિજાપુર પાસે બનાવાયેલ સાબરમતી બ્રીજ વર્ષો જુનો છે. અંગ્રેજોના સમયમાં બનેલો પુલમાં ટૂંક સમય પહેલા ગાબડું પડ્યું હતું. જેના પગલે બંને જિલ્લાના વાહન વ્યવહાર પર વ્યાપક અસર થઈ હતી, જો કે મહેસાણા વહીવટીતંત્ર તાત્કાલિક ઘટના સ્થળે આવી પુલ પરના ગાબડાનું સમારકામ હાથ ધરાયું હતું. તેને તાત્કાલિક ધોરણે પૂરી દેવાયું હતું. પરંતું ગાબડા માટે જવાબદાર પુલની તિરાડ યથાવત છે. ત્યારે આગામી સમયમાં ફરીથી મોટું જોખમ ઊભું થઈ શકે તેમ છે.
થોડા દિવસો અગાઉ જૂનાગઢ જિલ્લાના મેંદરડા પાસે બનેલો પુલ અચાનક પાણીમાં બેસી જવાના પગલે બે જિલ્લા વચ્ચેનો વાહન વ્યવહાર સંપૂર્ણ તૂટી ચૂક્યો હતો. આ પુલ પણ બે જિલ્લાઓ માટે મહત્વનો સેતુ ગણાય છે. તેમજ બે જિલ્લાઓ માટે મુખ્ય સેતુનું કામ કરનારા આ પુલ પર રોજના હજારો વાહનો પસાર થાય છે. તિરાડનું તાત્કાલિક ધોરણે સમારકામ કરવામાં નહીં આવે તો જોખમ ઊભુ થઈ શકે તેમ છે. જૂનાગઢની ઘટનાનુ પુનરાવર્તન થાય તો નવાઈ નહીં.
