કોર્ટે આઝાદ ચોક મહિલા મર્ડર કેસના આરોપીને જન્મટીપની સજા ફટકારી

મહેસાણામાં વર્ષ-2018માં પરિણીત મહિલાને પામવા માંગતો હરેશ ભંગી નામના યુવકે છરી મારી મહિલાને ગંભીર ઇજાઓ પહોંચાડી હતી. ગંભીર રીતે ઈજાગ્રસ્ત થયેલી મહિલાનું સારવાર દરમિયાન મોત થયું હતું. કોર્ટે આઝાદ ચોક મહિલા મર્ડર કેસના આરોપીને જન્મટીપની સજા ફટકારી છે.

• મહેસાણા ડિસ્ટ્રીકટ એન્ડ સેશન્સ કોર્ટે હત્યા કેસમાં સજા ફટકારી
• કોર્ટે આઝાદ ચોક મહિલા મર્ડર કેસના આરોપીને જન્મટીપની સજા ફટકારી
• મહેસાણા આઝાદ ચોક મહિલા મર્ડર કેસનો પોણા ત્રણ વર્ષે ચુકાદો

મહેસાણા: શહેરમાં વર્ષ-2018માં સફાઈ કામદારની પત્ની પર પુરુષે પ્રેમ સંબંધ બાંધવા દબાણ કરતાં સર્જાયેલી બાબતમાં પરિણીત મહિલાને પામવા માંગતા હરેશ ભંગી નામના યુવકે આવેશમાં આવી જતા પોતાની સાથે રાખેલી છરી મારી મહિલાને ગંભીર ઇજાઓ પહોંચાડી હતી. તેવામાં મહિલાનો પતિ આવી જતાં તેને પણ જાનથી મારી નાખવાની ધમકી આપી હતી ત્યારબાદ હુમલાખોર યુવક ફરાર થઈ ગયો હતો. જોકે છરી વડે હુમલો કરાતા ગંભીર રીતે ઈજાગ્રસ્ત થયેલી મહિલાનું સારવાર દરમિયાન મોત થતાં મહિલાના પતિએ હુમલાખોર સામે ફરિયાદ નોંધાવી હતી.

આ પણ વાંચો: ભાવનગરના હાથબ ગામે ત્રણ વર્ષ પૂર્વે જમીન બાબતે થયેલી હત્યાના આરોપીને આજીવન કેદ

કોર્ટે જન્મટીપની સજા અને 5000 હજારનો દંડ ફટકાર્યો

પોણા ત્રણ વર્ષ સુધી ચાલેલી કોર્ટ કાર્યવાહીમાં તાજેતરમાં ફરિયાદીને ન્યાય આપતા મહેસાણા ડિસ્ટ્રીકટ એન્ડ સેશન્સ કોર્ટે સરકારી વકીલ ભરતભાઈ પટેલની ધારદાર દલીલો અને સાંયોગિક પુરાવા આધારે સાક્ષીઓના નિવેદનને ધ્યાને લઇ હુમલો કરનારા હત્યારા આરોપીને જન્મટીપની સજા અને 5000 જેટલો દંડ ફટકાર્યો છે, ત્યારે મહેસાણા કોર્ટનો આ આદેશ સમાજમાં ગુનાહિત કૃત્યો કરવાનું વિચારતા અસામાજિક તત્વો માટે લાલબત્તી સમાન જોવા મળ્યો છે.

આ પણ વાંચો: જૂના ડીસા ગામે પત્નીને જીવતી સળગાવી મોતને ઘાટ ઉતારનારા પતિને આજીવન કેદની સજા