કુદરતી હાજતે જઇ રહેલી મહિલાને કારચાલકે મારી ટક્કર, મહિલાનું મોત

મહેસાણા જિલ્લામાં અકસ્માતની ઘટનાઓમાં સતત વધારો થઈ રહ્યો છે, ત્યારે વધુ એક ઘટના વિજાપુરમાં થઈ છે. જેમાં દેવપુરા ગામમાં એક મહિલા કુદરતી હાજતે જતી હતી, ત્યાં રસ્તા પરથી પસાર થતા બેફામ કારચાલકે મહિલાને અડફેટે લેતા મહિલા ઊછળીને ડિવાઈડર પર પટકાઈ હતી. મહિલાને ગંભીર પ્રકારની ઈજા થતા જીવ ગુમાવવો પડ્યો છે. આ ઘટનાની જાણ થતાં વિજાપુર પોલીસે ઘટનાસ્થળે દોડી આવી મૃતકની બોડીનું પીએમ કરાવવા સહિતની કાર્યવાહી હાથ ધરી છે.

• મહેસાણાના દેવપુરા ગામમાં કારચાલકે મહિલાને મારી ટક્કર, મહિલાનું મોત
• પૂરઝડપે આવતી કારે મહિલાને ટક્કર મારતા મહિલા ઊછળીને ડિવાઈડર પર પડી
• મૃતક મહિલાના જમાઈએ અજાણ્યા કારચાલક સામે પોલીસ ફરિયાદ નોંધાવી

મહેસાણાઃ વિજાપુરના દેવપુરા ગામમાં એક હાઈ-વે પર અકસ્માતની ઘટના બની હતી. આ અકસ્માતમાં પૂરઝડપે આવતી કારે મહિલાને ટક્કર મારી હતી. એટલે મહિલાનું ઘટનાસ્થળે જ મોત થયું હતું. જોકે, કારચાલક ટક્કર મારી ત્યાંથી ફરાર થઈ ગયો હતો. મૃતક મહિલાના જમાઈએ મહિલાને ટક્કર મારનારા અજાણ્યા કારચાલક સામે વિજાપુર પોલીસ મથકમાં ફરિયાદ નોંધવી છે, જેના આધારે પોલીસે અકસ્માત સર્જનાર કારચાલકની શોધખોળ આરંભી કાયદેસરની કાર્યવાહી હાથ ધરી છે.