મહીસાગરમાં કોરોનાના વધુ 3 પોઝિટિવ કેસ નોંધાયા, કુલ આંક 53 થયો

મહિસાગર જિલ્લામાં કોરોના વાઈરસનું સંક્રમણ વધી રહ્યું છે. સોમવારે જિલ્લાના બાલાસિનોર નગરપાલિકા વિસ્તારના કાલુપુરમાં 3 વ્યક્તિઓના કોરોના રિપોર્ટ પોઝિટિવ આવતા જિલ્લામાં કુલ દર્દીઓની સંખ્યા 53 પર પહોંચી છે.

મહીસાગરઃ મહીસાગરમાંં પણ કોરોનાવાઈરસનું સંક્રમણ વધી રહ્યું છે.સોમવારે જિલ્લાના બાલાસિનોર નગરપાલિકા વિસ્તારના કાલુપુરમાં 3 વ્યક્તિઓના કોરોના રિપોર્ટ પોઝિટિવ આવતા જિલ્લામાં કુલ દર્દીઓની સંખ્યા 53 થઈ છે. આ તમામ પોઝિટિવ આવેલા દર્દીઓને કોવિડ-19 હોસ્પિટલ બાલાસિનોર ખાતે સારવાર હેઠળ ખસેડવામાં આવ્યાં છે. બે દિવસના વિરામ બાદ 3 કેસ કોરોના પોઝિટિવ આવતા આરોગ્ય વિભાગ પણ સતર્ક બન્યું છે.

બાલાસિનોર નગરપાલિકામાં વોર્ડ નં.1 અને ઝોન -4 માં આવેલા કાલુપુર વિસ્તારના સલાટવાડામાં કોરોનાના 3 કેસ પોઝિટિવ કેસ નોંધાયા છે. બે દિવસ અગાઉ 60 જેટલા વ્યક્તિઓ સુરતથી બાલાસિનોર આવ્યા હતા. જેમાંના 30 લોકોના સેમ્પલ લેવાતા 3 લોકોના રિપોર્ટ પોઝિટિવ આવ્યા હતાં. બે દિવસ અગાઉ વિરપુર અને સંતરામપુરમાં 1-1 કેસ નોધાયો છે. આમ જિલ્લામાં કોવિડ-19 સંક્રમણ વધતા કુલ દર્દીઓની સંખ્યા 53 થઈ છે. આ સાથે આ વિસ્તારને કન્ટેઈન્ટમેન્ટ ઝોન જાહેર કરી લોકોની અવરજવર પર પ્રતિબંધ મૂકાયો છે.

આ વિસ્તારમાં આરોગ્ય ટીમ દ્વારા સેનીટાઈઝેશન અને સર્વેલન્સની કામગીરી દૈનિક ધોરણે કરવામાં આવી રહી છે. જે અન્વયે કોઇપણ શંકાસ્પદ દર્દી જણાય તો તાત્કાલિક સેમ્પલ લઈને તપાસ અર્થે મોકલી આપવામાં આવે છે.