આજકાલના સોશિયલ મીડિયાના ફાયદાની સાથે તેના ગેરફાયદા પણ આજના સમયમાં વધુ જોવા મળી રહ્યા છે. ક્રાઇમની માત્રામાં પણ વધારો થઇ રહ્યો છે. ત્યારે લોકો કોઇને કોઇ ગતકડા કરીને અપરાધના રસ્તા શોધી કાઢતા હોય છે.
આવી જ ઘટના મહિસાગર જિલ્લાનામાં પ્રકાશમાં આવી છે. મહિલાને બદનામ કરવાના ઇરાદે તેનો વીડિયો ઇન્સટાગ્રામમાં મુકીને પોતાની ઓળખ છુપાવી હતી.
તે દરમિયાન LCB પોલીસ સબ ઇન્સ્પેક્ટર એચ.એન.પટેલ સાહેબે સી.ડી.આર એનાલીસીસ તથા ટેકનિકલ સર્વેલન્સની મદદથી ઉંડાણપુર્વક તપાસ તેમજ ઇન્સ્ટાગ્રામ એકાઉન્ટની તપાસ કરી હતી.
તેના આધારે આધારે સ્ટાફના પોલીસના માણસોએ ઇન્સ્ટાગ્રામ એપ્લિકેશનના અભ્યાસ દ્વારા સદર ઇન્સ્ટાગ્રામ અકાઉન્ટ અંગે તપાસ કરી હતી. જેના આધારે મોબાઇલ નંબર પંકજકુમાર બાબુભાઇ રોહીત (રહે- રોહીત ફળિયુ, ભાટપુર તા. વિરપુર જી- મહિસાગરનો) હોવાનું બહાર આવ્યું હતું.
જેને લઇને ઇસમની તપાસ કરીને ઝડપી પાડવામાં આવ્યો હતો. તેની પૂછપરછ કરતાં તેણે જણાવ્યું હતું કે, ફરિયાદી સાથે અમે કોલેજમાં સાથે અભ્યાસ કરતા હતા. ફરિયાદીનો ફોટો તેણે પોતે પ્રોફાઇલ પિક્ચરમાં મુકી હોવાની હકીકત જણાવ્યું હતું. જેથી તેની અટક કરી આગળની કાયદેસરની કાર્યવાહી કરવા માટે બાલાસીનોર પોલીસ સ્ટેશનને સોપવામાં આવી છે.
