મહીસાગરઃ જિલ્લાના મુખ્ય આરોગ્ય અધિકારી ડૉક્ટર એસ.બી.શાહ તથા આરોગ્ય વિભાગના તબીબો સાથે મળી સંતરામપુરના અર્બનના વિસ્તાર કે, જેને કન્ટેઇનમેન્ટ ઝોન જાહેર કરવામાં આવ્યો છે. તેની મુલાકાતે પહોંચ્યા હતા.
ડૉ.શાહે તેમની મુલાકાત દરમિયાન કન્ટેઇનમેન્ટ ઝોનમાં આવેલા ઘરોની મુલાકાત લઈને દરેકના આરોગ્યની સાથે આયુર્વેદિક ઉકાળો, આર્સેનિક આલ્બની ગોળીઓ મળી છે કે નહીં તેની જાણકારી મેળવી હતી. આ ઉપરાંત આપવામાં આવતી સૂચનાઓનું પાલન કરવા શીખ આપી હતી.
કન્ટેઇનમેન્ટ ઝોનમાં રહેતા તમામ લોકોને કોમ્યુનિટી હેલ્થ ઓફિસર દ્વારા રોજે રોજ તપાસવામાં આવશે. જો કોઈ કેસ ધ્યાને આવશે તો તેમને સારવાર અને માર્ગદર્શન આપવાની સાથે નિયમિત રીતે રોજ સતત પાંચ દિવસ સુધી આર્સેનિક આલ્બ અને વિટામિનની ગોળીઓ તથા આયુર્વેદિક ઉકાળાનું વિતરણ કરવામાં આવશે તેમ ડૉ.શાહે જણાવ્યું હતું.
ડૉક્ટર શાહે કન્ટેઇનમેન્ટ ઝોનમાં નાગરિકોને ઘરની બહાર ન નીકળવા, સોશિયલ ડિસ્ટસીંગનું પાલન કરવા અને માસ્ક પહેરવા પણ સૂચના આપી હતી.
