મહીસાગર જિલ્લામાં હેલ્પીંગ હેન્ડ ટ્રસ્ટ દ્વારા વિવિધ ગામો જેવા કે ઢેસીયા, સારીયા ભલાડા, તણુચા, દલવાઈ સાવલી, પાડરવાડા, નાનસલાઈ, ઊડાર જેવા વિવિધ વિસ્તારોમાં ઘરે જઈને મુસ્લિમ ગરીબ લોકોને રમજાન માસ માટે રોજામાં કોઈ તકલીફ ન પડે તે હેતુથી જરૂરીયાત મંદો, વિધવા તથા ગરીબોને રાશનની કિટ વિતરણ કરવામાં આવી હતી.
હેલ્પીંગ હેન્ડ ટ્રસ્ટ દ્વારા રાશન કીટોનું વિતરણ
લુણાવાડાના 20 ગામો પૈકી 200 કીટ અને સંતરામપુરના 8 ગામો પૈકી 100 જેટલી કીટ વિતરણ કરી હતી. આ પ્રસંગે હેલ્પીંગ હેન્ડ ટ્રસ્ટના મુખ્ય મહેમાન શાહ નવાઝ અહેમદ ખાન પઠાણ જનરલ સેક્રેટરીના હસ્તે રમઝાન માસમાં ગરીબ ઘરના લોકો ઈફ્તારી કરી શકે તે માટે કીટ વિતરણ કરવામાં આવી હતી તથા ઈસ્માઈલ કુરેશી, મૌલાના સોહેલ ટોપીવાળા, પ્રમુખ એકતા ચેરીટેબલ ટ્રસ્ટ, બાલાસિનોરના રીયાઝ શેખે ઉપસ્થિત રહી કાર્યક્રમને સફળતા પૂર્વક પાર પાડ્યો હતો.
