ફતેહગઢ નર્મદા કેનાલમાં પાણી પીવા ઉતરેલા યુવાનનો પગ લપસતાં ડૂબી જવાથી થયું મોત

રાપર તાલુકાના માંજુવાસ ફતેહગઢ વચ્ચે આવેલી નર્મદા કેનાલમાં પાણી પીવા ઉતરેલા ડમ્પરચાલકનો પગ લપસતાં મોત થયું હતું.

• કેનાલમાં પાણી પીવા જતાં પગ લપસ્યો
• યુવાનનો પગ લપસતાં થયું મોત
• ભુજ ફાયર બ્રિગેડની ટીમે કાઢ્યો મૃતદેહ
• રાપર પોલીસે વધુ તપાસ હાથ ધરી

કચ્છ: ખાનગી કંપનીમાં ડ્રાઈવર તરીકે નોકરી કરતો પંજાબી યુવાન કેનાલમાં પાણી પીવા માટે નીચે ઉતર્યો હતો. તે દરમિયાન પગ લપસી જતાં યુવાન કેનાલમાં ડૂબ્યો હતો. કેનાલમાં ડૂબી જતાં તેનું મોત થયું હતું. ભુજની ફાયર બ્રિગેડની ટીમ દ્વારા મૃતદેહની શોધખોળ કરવામાં આવી હતી અને થોડાક કલાકો બાદ મૃતદેહને કેનાલમાંથી બહાર કાઢવામાં આવ્યો હતો.

આ પણ વાંચો: દમણગંગા નદીમાં ડૂબેલા 2 યુવનોના મોતથી પંથકમાં અરેરાટી

રાપર પોલીસે વધુ તપાસ હાથ ધરી

આ ઘટના અંગે રાપર પોલીસે આકસ્મિક મોતનો ગુનો નોંધી વધુ તપાસ હાથ ધરી હતી.

આ પણ વાંચો: દમણગંગા નદીમાં ડૂબેલા 2 યુવકોમાંથી એકનો મૃતદેહ મળ્યો