ભુજ હવામાન વિભાગના અધિકારી રાકેશકુમારના જણાવ્યા પ્રમાણે, મે માસ દરમિયાન આવી કામચલાઉ થંડર સ્ટોર્મ એક્ટિવીટી થતી રહે છે. ગરમી વધારે અને તેથી વાતાવરણમાં ફેરફાર શકય બની રહયો છે. આ સિસ્ટમ માત્ર જે તે વિસ્તાર પર જ બને છે. જેમ કે, હાલ ભુજ ઉપર આવી સિસ્ટમ છે એટલે પવન અને વરસાદ છે, પણ જો મજબુત સિસ્ટમ હોય કરા પણ વરસે છે.
કચ્છમાં વરસાદી ઝાપટાં
ભુજમાં બપોરે આકાશ અચાનક કાળા ડિબાંગ વાદળોથી ઘેરાઈ ગયુ હતું અને સૂસવાટાભર્યાં પવનોથી ઠેર ઠેર ધૂળની ડમરી ઉઠી હતી. ગણતરીના સમયમાં પવન સાથે જોશભેર ઝાપટું વરસ્યુ હતું. ગાંધીધામ સહિતના અન્ય વિસ્તારોના વાતાવરણમાં પણ પલટો આવ્યો હતો.
