વિદ્યાર્થીઓની રજૂઆત છે કે, અન્ય કોલેજો ની સરખામણીએ તેમને અન્યાય થઈ રહ્યો છે,ગુજરાતની મેડિકલ કોલેજોમાં 10 હજાર લઈને 13 હજાર સુધી સ્ટાઈપેન્ડ ચૂકવવામાં આવે છે. જ્યારે અદાણી મેડિકલ કોલેજમાં માત્ર 4000 રૂપિયા સ્ટાઈપેન્ડ ચુકવવામાં આવે છે જેને લઈને અદાણી મેડિકલ કોલેજ ના તાલીમી ડોક્ટરો સ્ટાઇપેન્ડ વધારાને લઈને વિરોધમાં ઉતર્યા હતા. જ્યાં સુધી તાલીમી તબીબોની માંગણી નહીં સંતોષાય ત્યાં સુધી હડતાલ ચાલુ રાખવામાં આવશે તેવી ચીમકી તબીબો દ્વારા ઉચ્ચારવામાં આવી છે.
ઉલ્લેખનીય છે કે, અગાઉ 2011માં પણ વિદ્યાર્થી બેન્ચ દ્વારા વિરોધ કરાયો હતો. ત્યારે 1000 જેટલું સ્ટાઈપેન્ડ વધારી દેવાયું હતું પરંતુ લાખો રૂપિયા ફી ભરવા છતાં પણ વિદ્યાર્થીઓને વધારાનો ખર્ચ ભોગવવો પડી રહ્યો છે જે મામલે વિદ્યાર્થીઓએ અદાણી મેનેજમેન્ટ આવેદનપત્ર પાઠવાયું હતું.અને વિરોધ પણ કરાયો હતો, તેમ છતા આ મામલે કોઈ નિર્ણય નહીં લેવામાં આવતા આખરે ઇમર્જન્સી સિવાયની તમામ કામગીરી તબીબો દ્વારા બંધ કરી દેવામાં આવી છે.તો બીજી તરફ મેનેજમેન્ટે માંગણી સંદર્ભ વિદ્યાર્થીઓ સાથે ચર્ચા કરી નિર્ણય લેવા જણાવ્યું હતું.
