કચ્છ: અષાઢી બીજના દિવસે કચ્છના રાજવી પરિવારે ભુજ ખાતે આવેલા રાજમહેલના ટીલામેડી ખાતે પૂજન કરીને કચ્છી નવા વર્ષની ઉજવણી કરી હતી.
કોરોના મહામારી વચ્ચે આ પૂજનમાં રાજવી પરિવારે કચ્છ અને સમગ્ર વિશ્વ મહામારીમાંથી બહાર આવે અને માતાજી આગામી વર્ષમાં સુખમય જીવન આપે તેવી પ્રાર્થના કરી હતી. રાજવી પરિવાર વતી દેવપર ઠાકોર કુર્તાથ સિંહએ આ પૂજન કર્યું હતું. જેમાં કચ્છના રાજવી મહારાવ પ્રાગમલજી ત્રીજા, મહારાણી પ્રીતિ દેવી સાયબા અને પરિવારના સભ્યો ઉપસ્થિત રહ્યા હતા.
આ દરમિયાન મહારાવ પ્રાગમલજી ત્રીજાએ સમગ્ર કચ્છી વાસીઓ અને દેશવાસીઓને નવા વર્ષની શુભકામના પાઠવી હતી અને માતાજીના આશીર્વાદથી કોરોનાની મહામારીમાંથી તમામ લોકો બહાર આવે તેવી પ્રાર્થના કરી હતી. આ પૂજન ભુજમાં આવેલા માઁ આશાપુરાના મંદિર ખાતે કરવામાં આવી હતી, ત્યાં રાજવી પરિવારના સભ્યોએ માતાજીના દર્શન કર્યાં હતા.
