કચ્છ: આજે રાજ્યના તાપમાનમાં નોંધપાત્ર ફેરફાર નોંધાયો છે અને મહતમ તાપમાનનો પારો ઉપર ચડ્યો હતો. રાજ્યમાં દિવસભર ગરમીનો અનુભવમાં હિટ વેવની (Heat Wave In Gujarat) અસર જોવા મળશે. રાજ્યના શહેરોમાં 34 ડિગ્રીથી 45 ડિગ્રી તાપમાન (Temperatures in state metros) નોંધાયું હતું. રાજ્યના 8 શહેરોમાં 40 ડિગ્રીથી વધુ તાપમાન નોંધાયું છે.
આ પણ વાંચો: Heat Wave In Gujarat: રાજ્યમાં આગામી 48 કલાક સીવીયર હીટવેવ રહેશે, કચ્છ અને ઉત્તર ગુજરાતમાં ગરમી દઝાડશે
રાજ્યમાં દિવસભર હિટ વેવની અસર જોવા મળશે: રાજ્યના હવામાનમાં અગાઉની સરખામણીએ નોંધપાત્ર વધારો નોંધાયો છે. રાજ્યના જિલ્લાઓમાં 2થી 3 ડિગ્રી વધારો નોંધાયો છે તેવું હવામાન વિભાગની માહિતી (Gujarat weather forecast) દ્વારા જાણવા મળી રહ્યું છે. રાજ્યમાં દિવસભર ગરમીનો અનુભવમાં હિટ વેવની અસર જોવા મળશે.
ભારે તાપના કારણે બફારો અનુભવાશે : રાજ્યમાં ભારે તાપ લાગતા લોકો બપોરના સમયે ઘરેમાંથી બહાર નીકળવાનું પણ ટાળી રહ્યા છે તો શરીરમાં ઠંડક જાળવી રાખવા માટે શેરડી, નારિયેળ તથા લીંબુનો જ્યુસ પીતાં હોવા મળી રહ્યા છે. હજી પણ ગરમ પવનો ફૂંકાશે અને ચામડી દઝાડે તેવી ગરમી પડશે. કાળઝાળ ગરમીના પ્રકોપથી ભારે બફારો પણ અનુભવાશે. જેથી કરીને લોકોએ હળવા કોટનના વસ્ત્રો પહેરવા જરૂરી છે.
આવતીકાલે આ શહેરોમાં હિટવેવની અસર વર્તાશે : રાજ્યના ગાંધીનગર, રાજકોટ, ભાવનગર, જૂનાગઢ તેમજ કચ્છના પાટનગર ભુજ અને કંડલા ખાતે ગરમીનું અસર અન્ય શહેરોની સરખામણીએ વધારે વર્તાશે. આ શહેરોમાં આગામી 2 દિવસ સુધી હિટવેવની અસર વર્તાશે. ગરમ પવનો ફૂંકાશે તેમજ લૂ પણ લાગશે જેથી કરીને જો જરૂર ન જણાય તો ઘરથી બહાર નીકળવાનું ટાળવું.
આ પણ વાંચો: Gujarat Under Intense Heat: રાજ્યમાં મહતમ તાપમાન 40ને પાર, ભુજ 43.4 ડિગ્રીએ ઉકળ્યું
રાજ્યના શહેરોમાં મહતમ તાપમાન 34થી 45 ડિગ્રી નોંધાયું : રાજ્યમાં નોંધાયેલ મહતમ તપામાનના આંકડા મુજબ રાજ્યમાં સૌથી વધારે મહતમ તાપમાન કચ્છના કંડલા ખાતે 44.5 ડિગ્રી, અમદાવાદ ખાતે 44.0 ડિગ્રી, ગાંધીનગર ખાતે 43.8 ડિગ્રી, રાજકોટ ખાતે 43.7 ડિગ્રી, બરોડા ખાતે 43.2 ડિગ્રી, ભાવનગર ખાતે 40.6 ડિગ્રી, નલિયા ખાતે 39.0 ડિગ્રી, જૂનાગઢ ખાતે 44.0 ડિગ્રી, ભુજ ખાતે 42.4 ડિગ્રી અને સુરત ખાતે 34.8 ડિગ્રી મહતમ તાપમાન નોંધાયું છે.
ગુજરાતના શહેરોમાં મહતમ તાપમાન (ડિગ્રી)
| ક્રમ | શહેર | તાપમાન |
| 1 | અમદાવાદ | 44.0 |
| 2 | ગાંધીનગર | 43.8 |
| 3 | રાજકોટ | 43.7 |
| 4 | સુરત | 34.8 |
| 5 | ભાવનગર | 40.6 |
| 6 | જૂનાગઢ | 44.0 |
| 7 | બરોડા | 43.2 |
| 8 | નલિયા | 39.0 |
| 9 | ભુજ | 42.4 |
| 10 | કંડલા | 44.5 |
