કચ્છ : ગુજરાતના દરિયા કિનારેથી પાકિસ્તાની માછીમારોની અવરજવર વધી (Kutch Pakistani fishermen caught) રહી છે. ત્યારે બોર્ડર સિક્યોરિટી ફોર્સના જવાનોએ કચ્છના હરામીનાળા વિસ્તારમાંથી 3 પાકિસ્તાની માછીમારોને ઝડપી પાડ્યાં છે. તે ઉપરાંત આ વિસ્તારમાં હજી પણ સર્ચ ઓપરેશન ચાલુ છે. છેલ્લા બે મહિનામાં બીજો બનાવ છે. જેમાં પાકિસ્તાનથી આવેલા માછીમારો કચ્છના હરામીનાળા વિસ્તારમાંથી ઝડપાયા હોય. (BSF search operation in Kutch)
BSFએ પીછો કરીને પકડ્યા મળતી માહિતી મુજબ 11 ડિસેમ્બરના રોજ, BSFના પેટ્રોલિંગે હરામીનાળા વિસ્તારમાં પાકિસ્તાની ફિશિંગ બોટ અને માછીમારોની હિલચાલ જોઈ હતી. જેને લઈને એલર્ટ BSFની ટીમે ઓપરેશન હાથ ધર્યું હતું. BSFને પોતાની તરફ આવતા જોઈ માછીમારો બોટ છોડીને પાકિસ્તાન તરફ ભાગવા લાગ્યા હતા, પરંતુ જવાનોએ તાત્કાલિક ઘટનાસ્થળે પહોંચીને બોટને કબજે કરી હતી. મુશ્કેલ અને પડકારરૂપ ભેજવાળી જમીન તેમજ રાત્રિના કારણે મર્યાદિત દૃશ્યતા હોવા છતાં, BSFએ તેમનો પીછો કર્યો અને 03 પાક માછીમારોને પકડી લીધા. (Pakistani fishermen caught from Kutch)
ઇન્સ્પેક્ટર જનરલનું માર્ગદર્શન BSFના ગુજરાત ફ્રન્ટિયરના ઇન્સ્પેક્ટર જનરલ રવિ ગાંધીની દેખરેખ અને માર્ગદર્શન હેઠળ રાત સુધી ચાલેલી આ કામગીરી સફળતાપૂર્વક પૂર્ણ કરવામાં આવી હતી. ગુજરાત ફ્રન્ટીયરના ઇન્સ્પેક્ટર જનરલ તરીકેનો પદભાર સંભાળ્યા બાદ રવિ ગાંધી ભુજ સેક્ટરની તેમની પ્રથમ મુલાકાતે છે.
એક માછીમાર ફરીથી ઝડપાયો ઉલ્લેખનીય છે કે અલી અસગર અગાઉ પણ 2017માં BSF દ્વારા પકડાયો હતો. એક વર્ષ સુધી ભુજની જેલમાં રહ્યો હતો અને બાદમાં અટારી વાઘા બોર્ડર મારફતે પાકિસ્તાન પાછો ગયો હતો. (Pakistani fisherman caught from Harami Nala)
માછલીઓની લાલચ માછીમારોની પ્રાથમિક તપાસ દરમિયાન તેઓએ જણાવ્યું કે, તેઓ માછલીઓની લાલચમાં માછલીઓ પકડવા ભારતીય સીમામાં ઘૂસી આવ્યા હતા અને માછીમારી કરવીએ તેમની આજીવિકા છે અને આવકનો મુખ્ય સ્ત્રોત છે.
3 શખ્સોનો ઝડપ્યા ઓક્ટોબરમાં કચ્છની દરિયાઈ પટ્ટીમાંથી ઇન્ડીયન કોસ્ટગાર્ડ અને ગુજરાત ATSના સંયુક્ત ઓપરેશનમાં 350 કરોડનું ડ્રગ્સ અને પાકિસ્તાની બોટ સાથે 6 લોકોની ધરપકડ કરાઈ હતી. સોમવારે પકડેલા માછીમારોમાં અલી અસગર લાલખાન, જાન મોહમ્મદ અને બિલાલબલ છે. આ ત્રણેય પાકિસ્તાનના ઝીરો પોઈન્ટ ગામના રહેવાસી હોવાનું જાણવા મળ્યું છે.