લખપતના ગુરૂદ્વારામાં 550માં ત્રિદિવસીય પ્રકાશ પર્વનો પ્રારંભ

કચ્છઃ લખપત ખાતે આવેલા ગુરૂદ્વારામાં સોમવારથી ગુરૂનાનક દેવજીના 550માં ત્રિદિવસીય પ્રકાશ ઉત્વસની ઉજવણીનો પ્રારંભ થયો છે. જેમાં વિવિધ આયોજન કરવામાં આવ્યા છે. ખાસ કરીને સર્વસમભાવ સાથે રકતદાન કેમ્પ, વૃક્ષારોપણ સહિતના કાર્યક્રમો યોજાશે.

સોમવાર સવારથી ગુરૂદ્વારા ખાતે અખંડ પાઠની શરૂઆત કરવામાં આવી છે. જે ત્રણ દિવસ ચાલશે સુધી ચાલશે. ગુરૂનાનક દેવજીના 550માં ત્રિદિવસીય પ્રકાશ ઉત્વસની ઉજવણીના ભાગરૂપે આ અખંડ પાઠનું આયોજન કરવામાં આવ્યું છે.

24મી ડિસેમ્બરના દિવસે રક્તદાન કેમ્પનું પણ આયોજન કરવામાં આવશે. આ કેમ્પમાં તમામ ધર્મના લોકો જોડાવાનાં છે. આ ઉપરાંત વૃક્ષારોપણનું આયોજન કરવામાં આવશે. ગુરૂદ્વારા સમિતિના ચેરમેન જુગરાજસિંગે(રાજુભાઈ) જણાવ્યું હતું કે, આ ગુરૂદ્વારાને હેરિટેજ સ્થળોમાં સામેલ કરવામાં આવ્યું છે. રાજય સરકારના પ્રયાસોથી 5 કરોડ રૂપિયાના ખર્ચે ગુરૂદ્વારામાં જીર્ણોદ્ધાંરનું કામ પણ ચાલી રહ્યું છે.

લખપત ખાતે આવેલું ગુરૂદ્વારા

લખપત ખાતે આવેલું ગુરૂદ્વારા

ઉલ્લેખનીય છે કે, આ ગુરૂદ્વારાનુ ખાસ મહત્વ છે. અહીં ગૂરૂનાનક દેવજીની ચરણ પાદુકા છે. ગૂરૂ નાનકદેવજી જ્યારે મક્કા જઈ રહયા હતા, ત્યારે તેઓ લખપત ખાતે રોકાયા હતા. જે બાદ પરત ફરતા સમયે પણ લખપત પધાર્યા હતા. તેઓ જ્યાં રોકાયા હતા, ત્યાં આજે ગુરૂદ્વારા છે અને તે જગ્યાએ તેમની ચરણ પાદુકા રાખવામાં આવી છે. આ ચરણ પાદુકાએ ગુરૂનાનક સાહેબ થકી સમગ્ર ભારતમાં લગભગ 15 હજાર કિલોમીટરની યાત્રા કરી છે.

લખપત ખાતે આવેલું ગુરૂદ્વારા

લખપત ખાતે આવેલું ગુરૂદ્વારા

આ વર્ષે પ્રકાશ ઉત્સવની ઉજવણી કરવા માટે મોટી સંખ્યામાં ભાવિકો ગુરૂદ્વારા પહોંચ્યા છે. આયોજન સમિતિ દ્વારા વિવિધ તૈયારીઓ કરવામાં આવી છે.