- રોજગારીની આશા લઈને આવેલા યુવાનો ખાલીહાથે પરત ગયા
- સ્નાતક તેમજ ડિપ્લોમા અને ડિગ્રી કક્ષાના યુવાનોને ઇન્ટરવ્યૂ માટે બોલાવાયા હતા
- તાળા લટકતા જોઈને રોજગાર ઇચ્છુક યુવાનો થયા હતાશ
કચ્છ: રાજ્યમાં એક બાજુ યુવાનોને રોજગારી આપવાના ખોટા વાયદાઓ કરવામાં આવી રહ્યા છે, ત્યારે બીજી બાજુ કચ્છ જિલ્લામાં વિવિધ ખાનગી કંપનીઓ મોટા પાયે પગપેસારો કરી રહી છે. જેના સમર્થનમાં રાજ્ય સરકાર પણ બેરોજગારોને નોકરી આપવાના વચનો આપી રહી છે અને ખાનગી કંપનીઓને મંજૂરી આપી રહી છે.
ઇન્ટરવ્યૂ આપવા આવેલા યુવાનો ખાલી હાથે પરત ગયા
તાજેતરમાં ભુજમાં લાલન કૉલેજ ખાતે ભરતી મેળો યોજાયો હતો. જેમાં લિસ્ટેડ 36 માંથી 16 ખાનગી એકમો ભરતી મેળા વખતે હાજર જ નહોતી રહી હતી. જેથી ઇન્ટરવ્યૂ આપવા આવેલા યુવાનો ખાલી હાથે પરત ગયા હતા.
આ પણ વાંચો: છોટાઉદેપુરના દરબાર હોલ ખાતે રોજગાર ભરતીમેળો યોજાયો
મોટી સંખ્યામાં રોજગાર ઇચ્છુક યુવાનો ભરતી મેળામાં આવ્યા હતા
રાજ્ય સરકારના આદેશને અનુસરીને અંદાજે 36 કંપનીઓના પ્રતિનિધિઓ દ્વારા આ ભરતી મેળામાં આવવાના હતા અને આ ભરતી મેળામાં ઇન્ટરવ્યૂ માટે છાત્રોને બોલાવવામાં આવ્યા હતા. જેથી શહેર અને ગામડાઓમાંથી મોટી સંખ્યામાં રોજગાર ઇચ્છુક યુવાનો આ ભરતી મેળામાં આવ્યા હતા.
આ પણ વાંચો: અમદાવાદ રોજગાર કચેરી ખાતે ઓનલાઇન ભરતીમેળો યોજાશે
સ્નાતક તેમજ ડિપ્લોમા અને ડિગ્રી કક્ષાના યુવાનોને ઇન્ટરવ્યૂ માટે ખાનગી કંપનીઓ દ્વારા બોલાવાયા
અરજદારોની માંગ ધરાવતી 6થી 7 કંપનીઓના પ્રતિનિધિઓ હાજર રહ્યા હતા, જ્યારે સ્નાતક તેમજ ડિપ્લોમા અને ડિગ્રી કક્ષાના યુવાનોને ઇન્ટરવ્યૂ માટે ખાનગી કંપનીઓ દ્વારા બોલાવાયા હતા, પરંતુ તે ખાનગી કંપનીઓના પ્રતિનિધિઓ જ હાજર રહ્યા ન હતા. જેથી ઇન્ટરવ્યૂ રૂમમાં લાગેલા તાળા જોઈને વિદ્યાર્થીઓ હતાશ થઈને ખાલી હાથે પાછા ફર્યા હતા.
