નડિયાદ ડિવિઝન સ્ક્વોર્ડની ટીમ નડિયાદ ટાઉન પોલીસ સ્ટેશન વિસ્તારમાં પેટ્રોલિંગમાં હતી. તે દરમિયાન મોબાઈલ ફોન ચોરીના આરોપી અંગે બાતમી મળી હતી. જેના આધારે નડિયાદ તાલુકાના પાલડીના વિવેકસિંહ ઉર્ફે મંગો કરણસિંહ સોઢાને ત્રણ મોબાઈલ ફોન સાથે ઝડપી પાડવામાં આવ્યો હતો.
પોલીસ દ્વારા મોબાઈલ ફોન અંગે તેમજ તેના બિલ અંગે પૂછપરછ કરતા સંતોષકારક જવાબ આપી શક્યો ન હતો. જેને લઇ વધુ તપાસ કરતા રૂ.૩૦ હજારની કિંમતના ત્રણેય મોબાઈલ ફોન નડિયાદની આર્ટસ કોલેજમાંથી ચોરાયેલા ૧૬ મોબાઈલ પૈકીના હોવાનું જણાયું હતું. જેને લઇ પોલીસ દ્વારા ગુનો નોંધી આગળની વધુ તપાસ હાથ ધરવામાં આવી છે.
