ખેડા: જિલ્લામાં કોરોના પોઝિટિવ દર્દીઓનો આંક સતત વધી રહ્યો છે. જેથી તંત્રની ચિંતામાં વધારો થયો છે. જિલ્લામાં વિવિધ વિસ્તારોમાંથી નવા નવા કેસો સામે આવી રહ્યા છે. ગુરુવારે નડિયાદમાં એક જ દિવસમાં અત્યાર સુધીના સૌથી વઘુ 19 નવા કેસ આવ્યા છે. આ સાથે જ કપડવંજમાં 2, વસો, ખેડા અને મહુધામાં 1-1 મળી કુલ કોરોનાના નવા 24 પોઝિટિવ કેસ નોંધાયા છે.
ગુરુવારે નોંધાયેલા નવા કેસના કારણે જિલ્લામાં કોરોના પોઝિટિવ કેસોની કુલ સંખ્યા 296 થઇ છે. આ ઉપરાંત અત્યાર સુધી 160 દર્દીઓને ડિસ્ચાર્જ કરવામાં આવ્યા છે, જ્યારે 160 દર્દીઓ સારવાર હેઠળ છે.
