- જિલ્લામાં સાર્વત્રિક વરસાદ નોંધાયો
- લાંબા વિરામ બાદ જિલ્લામાં વરસાદ વરસ્યો
- ધરતીપુત્રોમાં આનંદની લાગણી ફેલાઈ
- બફારા અને ઉકળાટથી રાહત
ખેડા: છેલ્લા કેટલાક દિવસોથી વાદળછાયા વાતાવરણ (cloudy weather) બાદ રવિવારે સવારથી ખેડા જિલ્લામાં નડિયાદ, ડાકોર, મહુધા, મહેમદાવાદ, કપડવંજ સહિત જિલ્લાના વિવિધ વિસ્તારોમાં ધીમીધારે સાર્વત્રિક વરસાદ (rain) નોંધાયો છે. વરસાદને પગલે વાતાવરણમાં ઠંડક ફેલાતા બફારા અને ઉકળાટથી રાહત થઈ છે.
આ પણ વાંચો: Junagadh Rain Update: માંગરોળ, માળીયા અને માણાવદર પંથકમાં એકથી લઇને બે ઇંચ સુધીનો વરસાદ
સૌથી વધુ કપડવંજમાં વરસાદ
ખેડા જિલ્લામાં રવિવાર સવારથી વિવિધ વિસ્તારોમાં વરસાદ નોંધાયો છે. જેમાં સૌથી વધુ કપડવંજ તાલુકામાં 23 mm, નડિયાદ તાલુકામાં 19 mm, ગળતેશ્વર તાલુકામાં 19 mm, મહેમદાવાદ તાલુકામાં 13 mm, મહુધા તાલુકામાં 12 mm, ઠાસરા તાલુકામાં 10 mm, વસો તાલુકામાં 10 mm,કઠલાલ તાલુકામાં 9 mm, માતર તાલુકામાં 9 mm તેમજ સૌથી ઓછો ખેડા તાલુકામાં 8 mm વરસાદ (rain) નોંધાયો છે.
આ પણ વાંચો: Gujarat Rain Update: જુનાગઢમાં ચોમાસાના પ્રથમ વરસાદે જ વરસાદી પાણી ઘરમાં ઘૂસી જતા લોકો ત્રાહિમામ
ધરતીપુત્રોમાં આનંદની લાગણી
ડાંગરની રોપણીને લઈને જિલ્લામાં ખેડૂતો વરસાદની આતુરતાપૂર્વક રાહ જોઈ રહ્યા હતા. લાંબા વિરામ બાદ વરસાદ થતાં ધરતીપુત્રો (farmers) માં આનંદની લાગણી ફેલાઈ છે.
ડાકોરમાં મંદિર બહાર પાણી ભરાયા
વરસાદ થતાં યાત્રાધામ ડાકોરમાં રણછોડરાયજી મંદિર બહાર પાણી ભરાયા હતા. રવિવારને લઈ મોટી સંખ્યામાં મંદિરે દર્શન માટે આવેલા ભાવિકો પાણી ભરાતા અટવાયા હતા. વરસતા વરસાદમાં મંદિર નજીક ભારે ટ્રાફિક પણ સર્જાયો હતો.
