જૂનાગઢ : વધુ એક વખત ગીરના સિંહની પજવણી કરતો વિડિયો સોશિયલ મીડિયામાં (Gir Lions Harassment in Junagadh) વાયરલ થયો છે. વીડિયો વાયરલ થતાં ગીર પૂર્વ અને પશ્ચિમ વન વિભાગના કર્મચારીઓએ વીડિયોમાં દેખાતા 8થી 10 જેટલા યુવાનોની શોધખોળ શરૂ કરી છે. યુવાનો રાત્રિના સમયે બે પુખ્ત સિંહોને માર્ગ પર આંતરીને તેની સાથે ચાલુ કારમાં સેલ્ફી પડાવતા જોવા મળ્યા હતા. આ ઘટના ખૂબ ગંભીર બની છે. જેને લઈને વન વિભાગના ઉચ્ચ અધિકારીઓએ પણ સમગ્ર મામલામાં આરોપીઓને પકડવા માટે સર્ચ અભિયાન શરૂ કર્યું છે. (Junagadh Gir Lions Harassment)
બે પુખ્ત નર સિંહની પાછળ ગીરના વિસ્તારમાં સિંહોની પજવણી અને સાથે ચાલુ કારમાં સેલ્ફી પડાવતા હોય તે પ્રકારે 8થી 10 યુવાનો બે મોટરકારમાં રાત્રિના સમયે સિંહને પરેશાન કરતા હોય તેવો વિડિયો વાયરલ થયો છે. આ વિડીયો જુનાગઢ, અમરેલી કે ગીર સોમનાથ જિલ્લાનું હોવાનું પ્રાથમિક અનુમાન વન વિભાગ દ્વારા લગાવવામાં આવી રહ્યું છે. જે રીતે રાત્રિના સમયે બે પુખ્ત નર સિંહની પાછળ કાર હંકાળીને પરેશાન કરવામાં આવી રહ્યા છે. વધુમાં આ યુવાનો દ્વારા ચાલુ કારમાં સિંહ સાથે સેલ્ફી પાડતા હોય તેવું પણ સ્પષ્ટ દેખાય આવે છે. (Viral video of harassing lions)
વન વિભાગનું સર્ચ ઓપરેશન વીડિયોની ગંભીરતાને ધ્યાને લઈને ગીર પૂર્વ અને પશ્ચિમ વિભાગના ઉચ્ચ અધિકારીઓએ કર્મચારીઓને વીડિયોમાં દેખાતા યુવાનોનું સર્ચ ઓપરેશન કરવાની કામગીરી શરૂ કરી છે. હાલ આ વિડીયો કયા વિસ્તારનો છે તે વન વિભાગ માટે પણ તપાસનો વિષય છે, પરંતુ જે રીતે સોશિયલ મીડિયામાં વિડિયો વાયરલ થયો છે જે ખૂબ ગંભીર ઘટના દર્શાવે છે. જેને લઈને વન વિભાગ એ પણ વીડિયોમાં દેખાતા 8 થી 10 જેટલા યુવાનોને પકડી પાડવા માટે સર્ચ ઓપરેશન શરૂ કર્યું છે. (Lions of Junagadh Gir)
આ પણ વાંચો સૌરાષ્ટ્રના સાવજે પોતાની સીમા વધારી, સોરઠમાંથી હવે ગોહિલવાડમાં ધામાં
સિંહોની પજવણીના વિડીયો અનેક વખત ગીર પૂર્વ અને પશ્ચિમ વિભાગની રેન્જમાં પાછલા વર્ષો દરમિયાન ગેરકાયદેસર સિંહ દર્શન અને સિંહોની પજવણીના વિડીયો અનેક વખત સામે આવ્યા છે. જે પૈકીના કેટલાક આરોપીઓ આજે પણ જેલની હવા ખાઈ રહ્યા છે, ત્યારે વધુ એક વાયરલ વિડિયો વન વિભાગની ચિંતામાં વધારો કરે છે. હાલ આ વીડિયોનું લોકેશન વન વિભાગ પાસે પણ નથી. પરંતુ વીડિયોમાં યુવાનોના જે ચહેરાત દેખાઈ રહ્યા છે તે બિલકુલ સ્પષ્ટ જોવા મળે છે. જેને કારણે વન વિભાગને યુવાનો સુધી પહોંચવામાં કોઈ મુશ્કેલી નહીં પડે તેવું સ્પષ્ટ લાગી રહ્યું છે. (Lion harassment 8 to 10 people in Junagadh)
સિંહોની પજવણીનો ચોક્કસ આંકડો જે રીતે સિંહની સતામણી સતત થઈ રહી છે, કેટલાક વિડીયો સોશિયલ મીડિયા મારફતે લોકો સુધી પહોંચે છે. જેને લઈને સિંહની પજવણીના કિસ્સાઓ ઉજાગર થાય છે, પરંતુ આવા હજુ પણ ઘણા વિડીયો હોઈ શકે છે કે જેમાં સિંહોની પજવણી થતી હોય સિંહો સાથે સેલ્ફી કે વિડીયો બનાવતા હોય, પરંતુ આ વિડીયો સોશિયલ મીડિયામાં વાયરલ થતા નથી. જેને કારણે સિંહોની પજવણીનો ચોક્કસ આંકડો પણ સામે આવતો નથી. (Junagadh Forest Department)
આ પણ વાંચો પોરબંદરમાં સિંહ લાવશે સમૃદ્ધિ, કાયમી વસવાટ અંગે પ્રકૃતિપ્રેમીઓએ કરી રજુઆત
નવી સમસ્યા બની સિહોની પજવણીનો વિડીયો સામે આવ્યા બાદ વનવિભાગ કાર્યવાહી કરે છે. તેમજ મોટા ભાગના કિસ્સાઓમાં આરોપીઓને પકડી પાડવા માટે વન વિભાગને સફળતા પણ મળે છે. આરોપીઓ પકડાય છે સજા પણ થાય છે. તેમ છતાં સિંહની સતામણી અને સિંહો સાથે સેલ્ફી પાડવાની ઘેલછા ખાસ કરીને યુવાન વર્ગ અને પ્રવાસીઓમાં ઘટતી જોવા મળતી નથી. જે ગીર પૂર્વ અને ગીર પશ્ચિમની જંગલ વિસ્તાર માટે નવી સમસ્યા બની રહ્યું છે. (Accused harassing Gir Lion)
