હાલ શ્રાવણ માસ હોવાથી તહેવારોની સીઝનમાં બજારોમાં ખરીદીની ભીડ જામતી હોય છે, પરંતુ છેલ્લા ઘણા સમયથી માંગરોળની બજારોમાં રખડતા ઢોર અને આખલા જોવા મળી રહ્યા છે. વધુમાં મુખ્ય બજારોમાં પણ આખલાઓ લડતા નજરે પડ્યા હતા. ત્યારે વાહન ચાલકો અને ખરીદીમાં નિકળતા મહીલાઓ બાળકો સહીત તમામને મુશ્કેલી પડી રહી છે. થોડા સમય પહેલાં માંડવી ગેઈટ નજીક આખલાઓ લડતાં લડતાં એક પાનની દુકાનમાં ઘુસી ગયા હતા. ત્યારે તંત્ર ઘોર નિન્દ્રામાં પોઢી રહ્યું છે અને આ સમસ્યાનો તોઈ નિકાલ નથી લાવતું.
ત્યારે શહેરની સમસ્યા ઢોરના ત્રાસની તો છે, પરંતુ ફોરટ્રેક ઉપર દરરોજ હજારો વાહનો આવન જાવન કરે છે. ત્યાં પણ રખડતાં ઢોરો આરામ ફરમાવતા નજરે પડી રહ્યા છે. આ ઢોરના કારણે અકસ્માત થાય તો જવાબદાર કોણ ? તેવા સવાલો ઉઠી રહ્યા છે. આ બાબતે નગર પાલીકા ચીફ ઓફીસરને ટેલીફોનીક વાત કરતાં જણવ્યું કે, આઠ થી દસ વસમાં આ બાબતે પાંજરાપોળ અને ગૌ શાળાના સંચાલકોની મિંટિંગ બોલાવીને તમામ પ્રશ્નોનું નિરાકારણ લાવશું, પરંતું શુ કોઇકનો ભોગ લેવાશે ત્યારે તંત્ર જાગશે ?
