કેશોદમાં બાળકો માટે રમત ગમતની સુવિધાઓનો અભાવ

જુનાગઢઃ કેશોદના બગીચામાં પુરતી સુવિધાઓ ઉપલબ્ધ કરવા શહેરીજનોએ માંગ કરી છે. સરકાર દ્વારા ગ્રાન્ટ ફાળવવામાં આવતી હોવા છતાં સુવિધાઓનો અભાવ જોવા મળી રહ્યો છે.

કેશોદના આંબાવાડી વિસ્તારમાં નગરપાલિપાલકા સંચાલિત જાહેર બગીચામાં સુવિધાઓના અભાવે શહેરીજનો નગરપાલિપાલકા તંત્ર સામે આક્રોશ વ્યક્ત કરી રહ્યા છે. વર્ષોથી બગીચામાં અનેક અસુવિધાઓ બાબતે નગરપાલિપાલકા તંત્ર દ્વારા ધ્યાન આપવામાં આવતું નથી.

બગીચામાં બાળકોને રમવા માટે રમત ગમતના પુરતાં સાધનો નથી જે છે તે તુટેલી હાલતમાં છે. જીમના સાધનોછે પણ તે રૂમમાં કાયમી માટે તાળું મારેલું હોય છે. પીવાનાં પાણીની વ્યવસ્થા છે પણ પાણી પીવા માટે ગ્લાસની સુવિધા નથી અને ગંદકી કિચડ જોવાં મળે છે. સકેટીગ રીંગ બનાવવામાં આવી છે જેમાં પણ તીરાડો પડી ગયેલી છે.

વેકેશન દરમિયાન અને રજાનાં દિવસોમાં બાળકો બગીચામાં આવે છે પણ રમતગમતના સાધનો મોટાભાગના તુટેલી હાલતમાં છે જેથી બાળકોમા નિરાશા જોવા મળે છે ત્યારે અસુવિધા યુક્ત બગીચામાં બાળકો માટે રમત ગમતના સાધનો જે તુટેલી હાલતમાં છે તેનું રીપેરીંગ કરવામાં આવે અને રમત ગમતના સાધનોનો વધારો કરવામાં આવે તેવી લોક માંગ ઉઠી છે નગરપાલિકા સંચાલિત બગીચામાં માટે અનેક ગ્રાન્ટ સરકારમાંથી આવતી હોય છે પરંતુ તંત્ર દ્વારા યોગ્ય સદ્ઉપયોગ થતો નથી તેને કારણે હાલ શહેરના મધ્યમાં આવેલા બગીચાની આવી સ્થિતિ સર્જાઇ છે.