જૂનાગઢઃ જિલ્લાના માળીયા હાટીના જુજારપુર ગામે વાડીના ખુલ્લા કૂવામાં પડતા સિંહબાળનું કરૂણ મોત નિપજ્યું હતું. ઘટનાની જાણ થતા માળીયા હાટીના વન વીભાગને કરતાં તપાસ હાથ ધરી છે. ખાસ કરીને સિંહોના મરણની ઘટના અવાર નવાર સામે આવી રહી છે.
ત્યારે બુધવારના રોજ માળીયા હાટીના તાલુકાના જુજારપુર ગામે એક વાડીના ખુલ્લા કૂવામાં બે સિંહબાળ પડી જતા આ બન્ને સિંહબાળ મોતને ભેટ્યા છે. જેને માળીયા હાટીના ફોરેસ્ટ વિભાગ દ્વારા ઘટના સ્થળે પહોંચી બન્ને સિંહબાળના મૃતદેહોને કૂવામાંથી બહાર કાઢીને અમરાપુર એનીમલ કેર સેન્ટરમાં પીએમ માટે મોકલી અપાયા હતા. જ્યારે વધુ તપાસ માળીયા હાટીના ફોરેસ્ટ વિભાગ દ્વારા શરૂ કરાવામાં આવી છે.
