શહેરી વિસ્તારમાં હેલ્મેટ મરજીયાત: સરકારના નિર્ણયને ધારાશાસ્ત્રીઓએ આવકાર્યો

જૂનાગઢઃ રાજ્ય સરકારની મળેલી કેબિનેટ બેઠકમાં મહત્વનો નિર્ણય કરવામાં આવ્યો છે. રાજ્યના શહેરી વિસ્તારોમાં ફરજિયાત હેલ્મેટનો કાયદો મરજીયાત કરવામાં આવ્યો છે. જેને જૂનાગઢના ધારાશાસ્ત્રીઓ પણ આવકારી રહ્યા છે, પરંતુ જે પ્રકારે કાયદાની અમલ વારીને લઈને સરકાર દ્વારા ઉતાવળ કરવામાં આવી હતી. તેને ધારાશાસ્ત્રીઓ વખોડી પણ રહ્યા છે.

આખરે બે મહિનાની અમલવારી અને પોલીસ તેમજ વાહન ચાલકો વચ્ચે થઈ રહેલા ઘર્ષણના કિસ્સાઓ હવે આવતીકાલથી જોવા નહીં મળે, રાજ્ય સરકાર દ્વારા બુધવારે કેબિનેટની બેઠક બોલાવવામાં આવી હતી. જેમાં શહેરી વિસ્તારોમાં ફરજિયાત હેલમેટના કાયદાને મરજિયાત બનાવીને રાજ્યના ટુ-વ્હીલર વાહનચાલકોને રાહત આપી છે. આ રાહતને જૂનાગઢના ધારાશાસ્ત્રીઓ પણ આવકારી રહ્યા છે. છેલ્લા ત્રણ મહિનાથી જે પ્રકારે હેલમેટના કાયદાની અમલવારીને લઈને વાહનચાલકો અને પોલીસ વચ્ચે ઘર્ષણના બનાવો બનતા હતા, તેમાં હવે ક્યાંક રાહત મળશે અથવા પૂર્ણવિરામ પણ મુકાતું જોવા મળશે.

છેલ્લા ત્રણેક મહિનાથી ફરજિયાત હેલ્મેટ ને લઈને જે પ્રકારે વાહન ચાલકોમાં ઉહાપોહ જોવા મળતો હતો. તેને લઈને સરકારે તેના બનાવેલા કાયદામાં રાહત આપવાનું નક્કી કર્યું છે. સરકારના નિર્ણયને ધારાશાસ્ત્રીઓ ચોક્કસ આવકારી રહ્યા છે, પરંતુ જે પ્રકારે ફરજિયાત હેલ્મેટ નો કાયદો બનાવી અને રાજ્યના કરોડો ટુ-વ્હીલર વાહનચાલકો પર થોપી દેવામાં આવ્યો હતો. તે સમયે જો વાહન ચાલકો થી લઇ અને પ્રજાના પ્રતિનિધિઓ સાથે બેઠક કરી અને પ્રજા અને વાહનચાલકોને અનુકૂળ બને તે પ્રકારે કાયદામાં થોડા ફેરફાર સાથે અમલ કર્યો હતો. ત્રણ મહિનાના ઘર્ષણ બાદ સરકારને આ કાયદાને પરત લેવાની ફરજ ન પડી હોત ફરજિયાત હેલ્મેટનો કાયદો સલમાન આવતા રાજ્યની તિજોરી દંડની રકમથી છલકાઈ રહી હતી. આ કાયદાની અમલવારી આંશિક રીતે મરજીયાત કરવામાં આવતા, જે વાહન ચાલકોએ કરોડો રૂપિયાનો દંડ ભોગવ્યો છે. તે દંડની રકમ વાહનચાલકોને પરત મળશે કે, કેમ તેવા વેધક સવાલો પણ જુનાગઢના ધારાશાસ્ત્રીઓ એ ઉઠાવ્યા છે.