વરસાદની વાત કરવામાં આવે તો "વાયુ" વાવાઝોડાની આગાહીના પગલે રાજ્યના વિવિધ વિસ્તારોમાં અંશે વરસાદ થયો હતો. જેમાં સરેરાશ 1થી 6 ઈંચ જેવો વરસાદ નોંધાયો છે. હાલમાં જે ચિત્ર સામે આવ્યું છે. તેમાં સૌરાષ્ટ્રનાં જૂનાગઢ, રાજકોટ, જામનગર, દેવભૂમિ દ્વારકા, ગિર-સોમનાથ, અમરેલી, ભાવનગર, સુરેન્દ્રનગર, બોટાદ, ભૂજ-કચ્છ સહિતનાં જિલ્લાઓમાં અને તાલુકાઓમાં નહીંવત વરસાદનાં પગલે જગતનો તાત મુંઝવણમાં મુકાયા છે.
સૌરાષ્ટ્ર-ભરમાં વરસાદ ખેંચાતા જગતનો તાત ખુબજ ચિંતામાં મુકાયા
ગુજરાતનાં અન્ય વિસ્તારોમાં સારો વરસાદ પડ્યો છે. વાપી, વલસાડ, મુંબઈ સહિતમાં આભ ફાટી પડ્યું હોય તેવો વરસાદ નોંધાયો છે. આ દરમિયાન આ વર્ષે સારો વરસાદ થશે તેવી આશામાં ભીમ અગિયારસનાં દિવસે જ અનેક વિસ્તારોમાં થોડા ખેડૂતોએ વાવણી કરી હતી. ત્યારે વરસાદ પાછો ખેંચાતા જગતનો તાત લમણે હાથ મુકી અને આકાશ સામે મીંટ માંડી અને વરસાદની રાહ જોઈ રહ્યો છે.
