જૂનાગઢ: વોર્ડ નંબર 7ના કોર્પોરેટર અને પૂર્વ સ્ટેન્ડિંગ કમિટીના ચેરમેન સંજય કોરડીયાએ જિલ્લા કલેકટરને પત્ર લખી જૂનાગઢ શહેરમાં કડક કાર્યવાહી કરવા માંગ કરી છે.
આજે જિલ્લામાં કોરોના સંક્રમિત કેસોની સંખ્યા જોવા મળતા સ્ટેન્ડિંગ કમિટીના પૂર્વ ચેરમેન અને વોર્ડ નંબર સાતના ભાજપના કોર્પોરેટર સંજય કોરડીયાએ જૂનાગઢ જિલ્લા કલેક્ટરને પત્ર લખીને શહેર અને તેમના વોર્ડમાં કડક કાર્યવાહી કરવાની માંગ કરી છે. કોરડીયાએ પત્રમાં એવી માંગ કરી કે તેમનો વોર્ડ નંબર 7 પાણીના ખૂબ જ પ્રેશર સાથે વોટર કેનનથી સેનીટાઈઝ કરવામાં આવે તેમજ જે વિસ્તારમાં તબીબ રહેતા હતા એવા ઉત્તમ પેલેસ અને હરિઓમ નગરથી કોરોના રેન્ડમ ટેસ્ટ કરવામાં આવે.
જૂનાગઢમાં કોર્પોરેટરે કલેકટરને લખ્યો પત્ર, કોરોનાને કારણે કડક કાર્યવાહીની કરી માંગ વધુમાં સંજય કોરડીયાએ એવી પણ માંગ કરી છે કે બહારગામથી અને ખાસ કરીને કોરોના સંક્રમિત જિલ્લામાંથી આવતા લોકોને તેમના સ્વખર્ચે જિલ્લા વહીવટીતંત્ર દ્વારા નક્કી કરવામાં આવેલી જગ્યા પર ક્વોરેન્ટાઇન કરવામાં આવે. આવું કરવાથી શહેર અને જિલ્લામાં બહારથી આવતા લોકોની સંખ્યામાં ઘટાડો થશે તને જુનાગઢ ફરી કોરોના મુક્ત બનશે. વધુમાં સંજય ગોરડીયાએ જણાવ્યું હતું કે લોકડાઉનના સમયમાં જે મુક્તિ આપવામાં આવે છે તેવા સમયે ખાસ કરીને મોટી ઉમરવાળા અને બાળકોને ઘરની બહાર નહીં નીકળવાની તાકીદ કરવામાં આવે અને જો કોઈ પણ વ્યક્તિ વૃદ્ધ કે બાળકો બહાર નીકળે તો તેમની સામે કડક કાર્યવાહી કરવાની માંગ પણ સંજય ગોરડીયાએ જૂનાગઢ જિલ્લા કલેકટરને લખેલા પત્રમાં કરી છે.
