કેશોદ નજીક ટેમ્પોએ મારી પલટી, 2ના મોત

જૂનાગઢઃ કેશોદના કેવદ્રા પાટીયા પાસે એક ટેમ્પો પલટી મારી હતી. જેથી ગોજારો અકસ્માત સર્જાયો હતો. આ અકસ્માતમાં બે વ્યક્તિના ઘટના સ્થળે કમકમાટીભર્યા મોત નીપજ્યા હતા.

આ ઉપરાંત આ અકસ્માતમાં 7 લોકો ઈજાગ્રસ્ત થયા હતા. આ અકસ્માતમાં ઘાયલ થયેલા લોકોને સારવાર અર્થે કેશોદની સરકારી હોસ્પિટલમાં ખસેડવામાં આવ્યાં છે. અકસ્માતનો ભોગ બનનાર લોકો ગોધરાના રહેવાસી છે.

આ અકસ્માત એવી રીતે બન્યો કે, માંગરોળથી એક ટેમ્પો કેશોદ તરફ જઈ રહ્યો હતો, ત્યારે કેશોદથી પાચ કિલોમીટર દૂર કેવદ્રાના પાટીયા પાસે ટેમ્પોના ડ્રાઇવરે વાહન પરનો કાબૂ ગુમાવતા ટેમ્પો પલટી મારી ગયો હતો. આ ટેમ્પોમાં નવ લોકો સવાર હતાં. જેમાંથી બે વ્યક્તિના ઘટના સ્થળે મોત નીપજયાં છે, જ્યારે સાત લોકોને નાની-મોટી ઈજાઓ થઈ છે. આ ટેમ્પો માંગરોળથી ગોંડલ જઈ રહ્યો હતો. જેને રસ્તામાં અકસ્માત નડ્યો હતો. અકસ્માતમાં ભોગ બનનાર લોકો ગોધરાના રહેવાસી છે.

અકસ્માતમાં ઘાયલ લોકોને 108 દ્વારા સારવાર અર્થે કેશોદની સરકારી હોસ્પિટલમાં ખસેડાયા હતા. જ્યારે મૃતકોના મૃતદેહને કેશોદની સરકારી હોસ્પિટલ ખાતે પોસ્ટમોટમ માટે મોકલવામાં આવ્યાં છે. હાલ આ અંગે કેશોદ પોલીસે વધુ તપાસ હાથ ધરી છે.

મૃતક

1. અનુપ નર્વદ નાયકા(20)
2. રાકેશ પ્રતાપ નાયકા

ઘાયલ

1. માગણભાઈ રાયજી પગી (22)
2. કમરસિંહ સબુરભાઈ નાયકા (20)
3. ગોવિંદભાઈ રતનભાઈ નાયકા (26)
4. મેહુલ નાયકા (20)
5. રાહુલ નાયકા (18)