જૂનાગઢ પોલીસે આજે બાતમીના આધારે અંદાજિત 40 કિલો ગાંજા સાથે મૂળ ઓરિસ્સાના અને હાલ સુરતના ડાયમંડ નગરમાં રહેતા ચાર ઇસમોને પકડ્યા છે. પોલીસ તપાસમાં આ ઈસમો મૂળ ઓરિસ્સાના ગંજામ જિલ્લાના હોવાનું બહાર આવ્યું છે. થોડા સમય પહેલા સુરતમાંથી કરોડોની કિંમતનો ગાંજો પકડાયો હતો. ત્યારે આ શખ્સો સુરતમાંથી ગાંજો લઈને જુનાગઢ સુધી પહોંચી જતા હોવાથી ગાંજાનું નેટવર્ક સમગ્ર રાજ્યમાં ફેલાઈ શકે છે તેવી આશંકાઓ પણ ઉદ્ધભવી રહી છે.
જૂનાગઢમાંથી ૪૦ કિલો ગાંજા સાથે ચાર ઈસમ ઝડપાયા
ભૂતકાળમાં આ ઈસમો જૂનાગઢ, જેતપુર અને ધોરાજીમાં ગાંજાની ખેપ મારી ગયા હોય તેવુ પોલીસ તપાસમાં બહાર આવ્યુ છે. આ ચાર યુવાનોની પોલીસે પૂછપરછ કરતાં મૂળ ઓરિસ્સાના સુભાષ નામની વ્યક્તિએ જૂનાગઢ ખાતે રહેલા મુન્ના નામના ઈસમને ગાજો આપતવાનું કહ્યું હતુ. આ ચારેય શખ્સો જૂનાગઢમાં ગાંજાની ડીલેવરી કરે તે, પહેલા જ જૂનાગઢ પોલીસના હાથે ઝડપાઇ ગયા હતા.
