જામનગરમાં રહેતા જયેશભાઈ નાખવા નામના યુવકે ગુરૂવારની રાત્રે એક વાગ્યે દવા ગટગટાવી લીધી હતી. ત્યારબાદ તેમના પરિવારજનોને જાણ થતા યુવકને જી.જી.હોસ્પિટલમાં સારવાર માટે ખસેડવામાં આવ્યો હતો. આ યુવક રિક્ષા ચલાવીને પોતાનું ગુજરાન ચલાવે છે. તેમણે ત્રણ વ્યાજખોરો પાસેથી 10 હજાર રૂપિયા વ્યાજ પર લીધા હતા. ત્યારબાદ વ્યાજખોરો દ્વારા 10 હજારના 40 હજાર કરી દેવામાં આવતા જયેશભાઈ મુશ્કેલીમાં મુકાયા હતા.
જામનગરમાં વ્યાજખોરોના ત્રાસથી યુવકે ઝેરી દવા ગટગટાવી
આ સમસ્યાનું સમાધાન ન મળતા તેમજ વ્યાજખોરોના દિવસેને દિવસે વધતા ત્રાસને કારણે તેમણે ગુરૂવારની રાત્રીએ ઝેરી દવા પી લીધી હતી.
