ભારતમાંથી કુલ 30 ખેલાડીઓ પાવર લિફ્ટિંગ વર્લ્ડકપમાં ભાગ લેવા જઇ રહ્યા છે. જેમાં જામનગરમાંથી ગત વર્ષે ચેમ્પિયન બનેલા કર્ણદેવસિંહ તેમના પુત્ર અભિમન્યુસિંહ અને કોમલ ત્રિવેદી ફરી ચેમ્પિયન બને તેવી શુભેચ્છાઓ જામનગર વાસીઓએ આપી છે.
જામનગરના એક જ પરિવારના ત્રણ ચેમ્પિયન રશિયા પાવર લિફ્ટિંગ વર્લ્ડકપમાં ભાગ લેશે વર્ષે 2017માં કર્ણદેવસિંહે પાવર લિફ્ટિંગ વર્લ્ડકપમાં ભારતનું પ્રતિનિધિ કરી બે ગોલ્ડ મેડલ અપાવ્યા હતા. અભિમન્યુસિંહ ઇન્ડિયાનો યગેસ્ટર પ્લેયર છે અને પ્રથમ વખત એવું બન્યું છે કે 16 વર્ષથી નીચેની ઉંમરમાં કોઇ ખેલાડીએ વર્લ્ડકપમાં ડેબ્યુ કરે છે. જામનગરના પિતા પુત્રની જોડી ફરી વખત મેદાન પર રમત દેખાડવા માટે તૈયાર છે.ઉલ્લેખનીય છે કે કર્ણદેવસિંહને પગ, ખભા અને કમરમાં ઇજા હોવા છતાં પાવર લિફ્ટિંગ વર્લ્ડકપમાં ભાગ લેવા જઇ રહ્યા છે. આમ જામનગરમાંથી એક જ પરિવારમાંથી ત્રણ લોકો પાવર લિફ્ટિંગ વર્લ્ડકપમાં ભાગ લેવા જઇ રહ્યાં છે. જો કે, કર્ણદેવસિંહ અત્યાર સુધીમાં એક પણ વખત પાવર લિફ્ટિંગ વર્લ્ડકપમાં મેડલ ગુમાવ્યો નથી અને ફરી મેડલ લઇ આવશે તેવી આશા છે.
