જામનગરમાં ફેક્ટરી ઓનર્સ એસોસિએશન દ્વારા મોબાઈલ એપ લોન્ચ, બ્રાસપાર્ટ ઉદ્યોગકારો દેશ વિદેશમાં કરી શકશે વેપાર

જામનગરમાં ફેક્ટરી ઓનર્સ એસોસિયએશન ખાતે મોબાઈલ એપ લોન્ચ કરવામાં આવી છે. આ એપના માધ્યમથી બ્રાસપાર્ટના ધંધાર્થીઓ દેશ-વિદેશમાં પોતાની પ્રોડકટનું વેચાણ કરી શકશે.

• એપના માધ્યમથી બ્રાસ ઉદ્યોગ ભરશે હરણફાળ
• જામનગરને બ્રાસસીટી તરીકે ઓળખવામાં આવે છે
• અહીં 6000 જેટલા બ્રાસપાર્ટના કારખાનાઓ આવેલા છે

જામનગરઃ સાંસદ પૂનમ માડમના હસ્તે ફેક્ટરી ઓનર્સ એસોસિએશન ખાતે મોબાઈલ એપ લોન્ચ કરવામાં આવી છે. આ એપના માધ્યમથી બ્રાસપાર્ટના ધંધાર્થીઓ દેશ-વિદેશમાં પોતાની પ્રોડક્ટનું વેચાણ કરી શકશે. ખાસ કરીને બ્રાસપાર્ટ ઉદ્યોગની સીધી ટકર ચીન સાથે છે. કારણ કે, ચીન પણ હવે બ્રાસપાર્ટના વિવિધ વસ્તુઓ બનાવી અનેક દેશમાં વેચાણ કરી રહ્યું છે.

આ પણ વાંચોઃ 7 જૂને આવકવેરા વિભાગનું નવું પોર્ટલ લોન્ચ થશે, કરદાતાઓના કામકાજ થશે સરળ

જામનગરના વેપારીઓ બ્રાસપાર્ટમાં અનેક પ્રોડકટ બનાવે છે

જામનગર ફેક્ટરી ઓનર્સ એસોસિએશનના પ્રમુખ લખાભાઈ કેશવાલાએ જણાવ્યું કે, જામનગરના વેપારીઓ બ્રાસપાર્ટમાં અનેક પ્રોડકટ બનાવે છે, પણ તેનું યોગ્ય માર્કેટિંગ ન થતા વિદેશમાં વેચાણ કરવું અઘરું બની જાય છે.

સ્થાનિક લોકો પણ અમુક પ્રોડકટ વિશે જાણતા હોતા નથી

સ્થાનિક લોકો પણ અમુક પ્રોડકટ વિશે જાણતા હોતા નથી. જો કે, એપના માધ્યમથી એક પ્લેટફોર્મ પૂરુ પાડવામાં આવ્યું છે. ફેકટરી ઓનર્સ એસોસિએશનના તમામ હોદ્દેદારો તેમજ સભ્યોનો પણ આ એપમાં સમાવેશ કરવામાં આવ્યો છે.

આ પણ વાંચોઃ બોટાદ માર્કેટિંગ યાર્ડમાં ફરજિયાત રજિસ્ટ્રેશન કરવાનું રહેશે

વર્ષે અંદાજે એક કરોડની આવક થાય તેવી શક્યતા છે

સોશિયલ મીડિયાના માધ્યમથી ફેક્ટરી ઓનર્સ એસોસિએશન બ્રાસપાર્ટની વિવિધ વસ્તુઓનું ખરીદ-વેચાણ એપના માધ્યમથી કરવામાં આવશે. વર્ષે અંદાજે એક કરોડની આવક થાય તેવી શક્યતા છે.