હું મનોરંજનના દરેક ક્ષેત્રમાં કામ કરવા માગુ છુંઃ અભિનેત્રી નેહા મહેતા

તારક મહેતા કા ઉલ્ટા ચશ્મામાં અંજલી ભાભીના પાત્રથી લોકપ્રિયતા મેળવનાર અભિનેત્રી નેહા મહેતા જામનગર પહોંચ્યા હતાં. ગુજરાતી ફિલ્મના શૂટિંગ જામનગર આવેલા અભિનેત્રી નેહા મહેતા સાથે ઈટીવી ભારતે ખાસ વાતચીત કરી હતી. તો ચાલો જાણીએ શું કહ્યું અભિનેત્રી નેહા મહેતા...

• તારક મહેતા ફેઈમ નેહા મહેતાએ etv ભારત સાથે કરી વાતચીત
• નાટકથી કારકિર્દીની શરૂઆત નેહા મહેતાએ કરી હતી
• સીરિયલ અને મૂવીમાં પણ અગાઉ કરી ચૂક્યા છે કામ
  
  જામનગરઃ તારક મહેતા કા ઉલ્ટા ચશ્મામાં અંજલી ભાભીના પાત્રથી લોકપ્રિયતા મેળવનાર અભિનેત્રી નેહા મહેતા જામનગર પહોંચ્યા હતાં. ગુજરાતી ફિલ્મના શૂટિંગ જામનગર આવેલા અભિનેત્રી નેહા મહેતા સાથે ઈટીવી ભારતે ખાસ વાતચીત કરી હતી.
  

જામનગરમાં ગુજરાતી ફિલ્મના શૂટિંગ માટે આવ્યા હતા નેહા મહેતા

નેહા મહેતાએ કારકિર્દીની શરૂઆત નાટકથી કરી હતી અને બાદમાં તેઓ સીરિયલ તેમજ ફિલ્મ અને એડ્માં પણ તેમણએ કામ કર્યુ છે. વડનગરના રહેવાસી નેહા મહેતાએ તારક મહેતા સીરિયલમાં અંજલી મહેતાના રોલથી ખુબ જ નામના મેળવી છે. હવે તેમણે ફિલ્મ ક્ષેત્રે ઝંપલાવ્યું છે. હાલ તઓ જામનગર ગુજરાતી ફિલ્મના શૂટિંગ માટે પહોંચ્યા હતાં.

તારક મહેતા સિરિયલથી મેળવી નામના

ડિજિટલ યુગમાં વેબ સીરીઝની ખૂબ બોલબાલા છે. વેબ સિરીઝમાં પણ નેહા મહેતા અભિનય કરે તેવી શક્યતા છે. અહીં જામનગરમાં બે જુદી જુદી જગ્યાએ નેહા મહેતાએ ફિલ્મનું શુટીંગ કર્યું છે. જામનગર મજા આવે લાખોટા તળાવની પાળે અને વૃદ્ધાશ્રમમાં નેહા મહેતાએ ફિલ્મનું શૂટિંગ કર્યું છે.

વેબ સિરીઝમાં પણ કામ કરવાની ઈચ્છા

એક બાજુ ટીવી સિરિયલ છે તો બીજી બાજુ વેબ સિરીઝ છે બંનેના દર્શકો પણ અલગ અલગ છે અને વેબ સિરીઝની ખૂબ બોલબાલા અત્યારે જોવા મળે છે. નેહા મહેતા વેબ સિટીઝમાં પણ કામ કરવાની ઇચ્છા ધરાવે છે.લોકડાઉન દરમિયાનના અનુભવો પણ નેહા મહેતાએ ઈટીવી ભારત સાથે શેર કર્યા હતા. તેમાંય નાના બાળકો લોકડાઉનમાં જે પ્રકારે ઘરમાં પુરાઈ રહ્યા હતા અને મેદાનમાં જઈને ખેલકુદ પણ કરી શકતા ન હતા, માટે તે સમય બાળકો માટે વિકટ હતો તેવું નેહા મહેતાએ જણાવ્યું હતું.