જામનગરની જી. જી. હોસ્પિટલ બની રખડતા ઢોરનો અડ્ડો

જામનગર શહેરમાં રાજમાર્ગો પર આમ તો રખડતા ઢોરનો ત્રાસ ખૂબ છે અને જ્યાં જૂઓ ત્યાં અડ્ડો જમાવી બેસતા રખડતા ઢોર હવે જી. જી. હોસ્પિટલ સુધી પણ પહોંચ્યા છે.

• જામનગરની જી. જી. હોસ્પિટલ બની રખડતા ઢોરનો અડ્ડો
• રખડતા ઢોરે જી. જી. હોસ્પિટલમાં અડ્ડો જમાવ્યો રખડતા ઢોરોએ
• જામનગર 7 રસ્તા તેમજ લાલ બંગલા વિસ્તારમાં રખડતા ઢોરનો ત્રાસ

જામનગરઃ શહેરના અતિવ્યસ્ત ગણાતા હવાઈ ચોક 7 રસ્તા તેમજ લાલ બંગલા વિસ્તારમાં રખડતા ઢોર જ્યાં જૂઓ ત્યાં જોવા મળે છે અને રસ્તા વચ્ચે બેસી ટ્રાફિક સમસ્યા પણ ઊભી કરતા જોવા મળે છે.

જામનગરની જી. જી. હોસ્પિટલ બની રખડતા ઢોરનો અડ્ડો

મનપા ક્યારે જાગશે અને લેશે પગલાં

જામનગર મહાનગરપાલિકામાં નવા ચૂંટાયેલા મેયરે જાહેરાત કરી હતી કે, રખડતા ઢોરનો જે ત્રાસ છે. તે દૂર કરવા માટે એકશન પ્લાન ઘડવામાં આવશે. જોકે હજુ સુધી રખડતા ઢોરનો ત્રાસ દૂર થયો નથી અને હવે રખડતા ઢોર સૌરાષ્ટ્રની સૌથી મોટી ગણાતી જી.જી.હોસ્પિટલમાં પણ અડ્ડો જમાવી, ત્યારે ફરતા જોવા મળી રહ્યા છે.

સિક્યુરિટી ગાર્ડ તૈનાત હોવા છતાં હોસ્પિટલ અંદર કેમ પ્રવેશ્યા ઢોર ?

હોસ્પિટલમાં રખડતા પશુઓના આંટાફેરા જોઈ દર્દીઓ અને તેના સબંધીઓ પણ અચરજ પામી ગયા હતા. સૌથી મોટો સવાલ એ છે કે, વર્ષે હોસ્પિટલની સિક્યુરીટી પાછળ લાખોનો ખર્ચ છતાં આવી સ્થિતી અંગે કોણ જવાબદાર ?