આ અંગે જિલ્લા કલેક્ટરે જણાવ્યું છે કે, આગામી એક કલાકમાં જામનગરમાં ભારેથી અતિભારે વરસાદ આવી શકે છે. જેને લઈને લોકોને સાવચેત રહેવા અપીલ પણ કરી છે. હાલ વાયુનું સંકટ ટળ્યું હોવાના અહેવાલો સામે આવી રહ્યાં છે. જો કે, વાયુ વાવાઝોડાનું સંકટ હજુ ટળ્યું નથી, પણ ખતરો બરકરાર જોવા મળી રહ્યો છે. મહત્વનું છે કે, વાયુ વાવાઝોડું ઓમાન તરફ ફંટાયું છે. જો કે, જામનગરના દરિયામાં હાલ ખૂબ મોટા મોજા ઉઠી રહ્યાં છે અને દરિયામાં ભારે કરંટ જોવા મળી રહ્યો છે. તો પવનની ગતિ પણ સતત વધતી જોવા મળી રહી છે.
જામનગર: વાયુ વાવાઝોડાએ દિશા બદલી પણ ખતરો હજુ બરકરાર....
જામનગર જિલ્લા કલેક્ટર અને અન્ન પુરવઠા પ્રધાન હકુભા જાડેજા સહિતના અગ્રણીઓ વહેલી સવારે બંદર પર પહોંચ્યા હતા અને સમીક્ષા કરી હતી. વહીવટી તંત્ર દ્વારા ગઈકાલે 14 હજાર જેટલા લોકોનું સુરક્ષિત જગ્યાએ સ્થળાંતર કરવામાં આવ્યું છે. તો ફુડ પેકેટના સપ્લાય પણ સમયસર કરવામાં આવી રહ્યાં છે.
