સોમનાથ મહાદેવને ત્રિરંગાનો શૃંગાર કરવામાં આવ્યો

સ્વતંત્રતા પર્વ પ્રસંગે સોમનાથ મહાદેવને ત્રિરંગા પુષ્પોનો શૃંગાર કરવામાં આવ્યો હતો. આ સાથે જ અમદાવાદના એક શિવ-ભક્ત દ્વારા અર્પણ કરવામાં આવેલી ત્રિરંગા છોગા વાળી પાઘ મહાદેવને પહેરાવવામાં આવી હતી.

ગીર સોમનાથ: સ્વતંત્રતા પર્વ પ્રસંગે પ્રથમ જ્યોતિર્લિંગ સોમનાથ મહાદેવને તિરંગા શૃંગારથી શણગારવામાં આવ્યા હતા. આ સાથે જ સોમનાથ મહાદેવ પર ત્રિરંગા છોગા વાડી પાઘડી પણ સુશોભિત કરવામાં આવી હતી. આ પાઘડી અમદાવાદના એક શિવ-ભક્ત દ્વારા અર્પણ કરવામાં આવી હતી.

20 દિવસની મહેનત બાદ પાઘડી સોમનાથ મહાદેવના જ્યોતિર્લિંગના માપ અનુસાર તૈયાર કરવામાં આવી હતી, ત્યારે સોમનાથ આવતા શ્રદ્ધાળુઓને શિવ-ભક્તિ સાથે સાથે દેશભક્તિનો પણ અનુભવ થયો હતો.