વેરાવળમાં ટેકાના ભાવે ખરીદીમાં મોટાભાગની તુવેર રિજેક્ટ, ખેડૂતોમાં આક્રોશ

વેરાવળ નજીક આવેલી કજલી માર્કેટિંગ યાર્ડમાં મોટા ભાગના ખેડૂતોની તુવેર રિજેક્ટ કરાતા ખેડૂતોએ સૂત્રોચ્ચાર સાથે હોબાળો મચાવ્ચો હતો. તુવેરની ખરીદીમાં તુવેર સાફ કરવાની બીજી તક આપ્યા વગર ભારે માત્રામાં રિજેક્શન કરાતા ખેડૂતોમાં આક્રોશ જોવા મળ્યો હતો. 2 દિવસથી તહેવારોના સમયગાળા દરમિયાન યાર્ડમાં ખેડૂતો ભારે હાલાકી ભોગવી રહ્યાં છે. આ અંતર્ગત સરકાર પાસે તેઓ વેહલી તકે તુવેર ખરીદવા વિનંતી કરી રહ્યાં છે.

ગીર સોમનાથઃ વેરાવળ નજીક કાજલી માર્કેટીંગ યાર્ડમાં ટેકાની ખરીદીમાં મોટા ભાગના ખેડૂતોની તુવેરને સરકારી ગ્રેડરો દ્વારા રિજેકટ કરાતા ખેડૂતોએ હોબાળો મચાવ્યો હતો. ઓનલાઇન અરજીના આધારે ગત રોજ 40થી 50 ખેડૂતોને યાર્ડમાં સેમ્પલિંગ માટે બોલાવાયા હતાં, પરંતુ માત્ર 10 જેટલા ખેડૂતોની તુવેર પાસ કરવામાં આવી હતી, જ્યારે બાકીના 30 જેટલા ખેડૂતોની તુવેર રિજેક્ટ કરતા ખેડૂતોમાં રોષ જોવા મળ્યો હતો.

ગીરસોમનામાં ટેકાની ખરીદીમાં મોટાભાગની તુવેર રિજેક્ટ, ખેડૂતોમાં આક્રોશ

ખેડૂતોનો આક્ષેપ છે કે, ગ્રેડરો આડેધડ તુવેર રિજેકટ કરે છે અને ગ્રેડિંગ પૂર્વે જ સ્લિપોમાં ખેડૂતોની સહીઓ કરાવી બાદમાં તુવેર રિજેક્ટ કરી દેવાય છે. આ કારણે ખેડૂતોમાં રોષ સાથે નિરાશા પણ વ્યાપી ગઈ છે. તહેવારોના સમયમાં ખેડૂતો માર્કેટિંગ યાર્ડમાં તુવેર વેચવા બેઠા હોય પરિવારોના તહેવાર બગાડવાનો આરોપ સરકાર લગાવી રહ્યાં છે.