સામાન્ય રીતે કોઈ પણ ખેડૂતને પોતાની જમીન કરતાં વધારે જો કોઈ વસ્તુ હોય તો તે હોય છે, પાણી પરંતુ જો એમ કહીએ કે ખેડૂતો પાણી નફરત કરી રહ્યા છે, તો ખેડૂતો પોતાના ખેતરે આવેલા કુવામાંથી પાણી બહાર આવી રહ્યા છે. એવું કહીએ તો હા ગીર-સોમનાથ જિલ્લાની અંદર ખેડૂતો પાણીને કરી રહ્યા છે. નફરત વાત એવી છે કે ગીર-સોમનાથ જિલ્લાની અંદર જ્યારે ખેડૂતો વાવણી માટે વરસાદની અપેક્ષા રાખી રહ્યા હતા ત્યારે મેઘરાજાએ દર્શન આપ્યા નહોતા પરંતુ જ્યારે ચોમાસુ પૂરું થવાના આરે હતું ત્યારે મેઘમહેરને બદલે મેઘરાજાએ મેઘ કહેર વરસાવ્યો હતો, ત્યારે ખેડૂતો પાકેલો પાક ખેતરમાંથી બહાર કાઢવા સક્ષમ નથી. જેના કારણે ખેતરો પાણીથી તરબતર ભરેલા છે.
ઇટીવી ભારત આ સમગ્ર ઘટનાનું વિશ્લેષણ કરી આ ખાસ એહવાલ ખેડૂતોની સમસ્યાઓને વાચા આપવા પ્રકાશમાં લાવ્યું છે. ખેડૂતો જાણે છે કે પોતાનો પાક સંપૂર્ણપણે નિષ્ફળ રહ્યો છે. પરંતુ પોતાના પશુઓને ચારો પૂરો પાડવા માટે ખેડૂતો પોતાના કૂવામાંથી સબમર્સીબલ પંપ અથવા મોટરો મૂકી પાણી બહાર ઉલેચી રહ્યા છે. જેના કારણે ખેતરોમાં છે તે પાણી ઓસરે અને પાણીના તળ નીચા જાય જેથી પોતાના પાલતુ પ્રાણીઓ માટે તેઓ ઘાસચારો તરીકે પોતાના નિષ્ફળ પાકના પર્ણો ઉપયોગમાં લઇ શકે છે.
